Штаттарда американдық компаниялардың өкілдерімен және Қазақстандық IT-мамандармен, Digital Nomads қауымдастығының қатысушыларымен бірқатар маңызды кездесулер өткізуді жоспарлап отырмын

Алғашқы кездесулер кеше өтті. Proskauer халықаралық заң компаниясының технологиялар, медиа және телекоммуникациялар тобының тең жетекшісі Джеффри Нойбургермен келіссөздер жүргіздім. Ол - блокчейнге негізделген технологиялық шешімдерді енгізу бойынша елдегі жеке практиканың жетекші заңгерлерінің бірі.

АКТ-ны реттеу және заңнамалық нормаларды енгізу туралы пікір алмасу, сондай-ақ олардың ақпараттық-коммуникациялық технологияларды реттеуді енгізу тәжірибесі туралы білу өте қызықты болды.
Цифрлық өнімдер мен технологиялардың белсенді таралатын дәуірінде бізге тиісті және жедел құқықтық реттеу, әсіресе азаматтардың дербес деректерін рұқсатсыз тарап кетуден және оларды арам мақсаттарда пайдаланудан қорғауды күшейту қажет.

Жақын арада біз цифрландырудың платформалық моделіне көшу жағдайында ерекше маңызды болып табылатын мемлекеттік басқарудың түрлі салаларындағы "цифрлық" тәсілдердің бірлігін қамтамасыз ететін цифрлық кодексті қабылдауды жоспарлап отырмыз. Сондықтан Джеффримен кездесу өте пайдалы болды.
Сондай-ақ, сол күні Geobox, Inc, Марат Бексұлтанов және Vega MX Вивек Митал сияқты компаниялардың басшыларымен кездестім.

Geobox-Жерді қашықтықтан зондтау арқылы алынған деректерді зерттеуге және талдауға маманданған компания. Ол НAСA, ЕКА және CNSA сияқты ірі ғарыш агенттіктерімен ынтымақтасады, бұл деректерді алу және өңдеу үшін ең озық технологияларды пайдалануға мүмкіндік береді.

Vega MX азық-түлік, энергетика және ұлттық қауіпсіздік саласындағы перспективалы вертикальдар үшін заманауи деректер тәжірибесін ұсынады.

Кездесу барысында Geobox және Vega MX мамандары өздерінің озық зерттеулерін ұсынды және Жерді қашықтықтан зондтау саласындағы соңғы жетістіктерін талқылады. Сонымен қатар, талқылауға қатысушылар саладағы ең өзекті үрдістер мен сын-қатерлерге қатысты мәселелер бойынша пікір алмасты.

Осы саладағы ынтымақтастық біз үшін үлкен пайда әкелетін инновациялық шешімдерге жеткізеді деп ойлаймын.

• 10.03.2023
• 75