Экономикалық және әлеуметтік мәселелер департаментінде (UNDESA) БҰҰ-ның экономикалық және әлеуметтік мәселелер жөніндегі Бас хатшысының орынбасары Ли Цзюньхуамен кездестім

Біз Қазақстанда электрондық үкіметтің дамуын және қабылданған АКТ саласын трансформациялау тұжырымдамасын талқыладық. Трансформациялау тұжырымдамасы үкіметті цифрлық трансформациялау (G2C, G2B, G2G), АКТ-ны дамыту, инфрақұрылымды дамыту және ақпараттық қауіпсіздік секілді түрлі аспектілерді қамтиды. Бұл тұжырымдаманың мақсаты – адамға бағдарланған инновациялық мемлекеттік басқару жүйесін құру.

Жедел деректер алмасу – бұл деректер базасына платформалық тәсілді пайдаланудың басты артықшылықтарының бірі. Мысалы, ерте скрининг ерекше қажеттіліктері бар балаларды анықтауға, болашақта оларға инклюзивті білім беру үшін қандай қосымша қызметтер мен ресурстар қажет болатынын анықтауға көмектеседі.

Осы деректерді пайдалана отырып, мемлекеттік органдар кадрлар даярлау бойынша өз жүйесін қайта қарай алады және арнайы педагог кадрлардың дайындығын қамтамасыз ете алады. Бұл өз кезегінде білім сапасына оң әсер етіп, білім жүйессіндегі теңсіздікті төмендетеді.

Бүгінде мемқызметтердің 80%-ы eGovMobile қосымшасында қолжетімді. Және ол қазірдің өзінде нағыз SuperApp – азаматтарға бір жерден көптеген мемлекеттік қызметтер мен сервистер ұсынатын кең ауқымды платформаға айналды.
Бұдан басқа, ТДМ-ны іске асыру және цифрлық тректегі жол картасы туралы өз ойларыммен бөлістім. Мен сондай-ақ цифрлық қызметтер көрсетудегі, әлеуетті арттырудағы Қазақстанның тәжірибесі және жаңа идеяларды халықаралық деңгейге шығару бойынша оның нық ниеті туралы айттым. Айтылған идеялардың бірі Жаһандық шлюз құрып, оған түрлі елдер үкіметтерінің мемлекеттік технологияларын интеграциялау жайлы болды.

Жалпы кездесу жемісті де қызықты өтті және талқыланған кейбір идеялар жақын арада іске асырылады деп үміттенемін.

• 13.03.2023
• 65