АҚШ-тың Қазақстан Республикасындағы бас консулымен кездесу

Кеше АҚШ-тың Қазақстан Республикасындағы бас консулы Эрик Майермен кездестім.

Біз екі ел арасындағы 29 жыл бойы дипломатиялық қатынастардың қарқынды дамып келе жатқанын мақтан тұтамыз. Осы жылдар ішінде екі мемлекет басшылары тиімді әріптестік және халықаралық қоғамдастықтың сенімді мүшелері қағидаттары негізінде кезең-кезеңімен жақсы қарым-қатынас құра алды. Осының арқасында бүгінде Қазақстан мен АҚШ әскери-саяси, сауда-экономикалық, энергетикалық және басқа да екіжақты ынтымақтастықтың көптеген салаларында ашық және сенімді стратегиялық әріптестер болып табылады. Әлемде қалыптасқан күрделі саяси және экономикалық жағдайда екі елдің өзара іс-қимылы аса маңызды.

Кездесуде өңірді дамыту және Арал теңізінің солтүстік бөлігін қалпына келтіру жобасының жүзеге асырылуы, инвестиция тарту, экономикалық ынтымақтастық, шағын және орта бизнеске қолдау көрсету, экологиялық мәселелер, денсаулық сақтау саласы мен гендірлік саясат сөз болды.

Екі жақты экономикалық тиімді бастамаларды қарастыруға дайынбыз.

• 03.12.2020
• 403