Кеше Ведомствоаралық комиссия әлеуметтік саланы цифрландыруға қатысты бірнеше маңызды мәселені қарады

Олардың біразы бұрын Маңғыстау және Түркістан облыстарының әкімдіктері тарапынан көтерілсе, бұл жолы түрлі министрлік өкілдері қабылданған шаралардың қорытындысын жариялады.

Осылайша, мерзімді әскери қызметке шақырудан кейінге қалдыру құқығы бар азаматтарды хабардар ету мәселесі шешілді – бұл туралы мен бұрын да айтқан едім. Егер бүгінгі күнге дейін осы санаттағылар мекемелерді аралап, түрлі анықтамаларды жинап жүрсе, енді олардың әскерге шақыру мерзімі кешіктірілгенін мемлекеттің өзі проактивті форматта хабарлайтын болады. Ол үшін Қорғаныс министрлігімен бірге тізілім жасалып, SMS тарату жүйесі автоматтандырылды. Оны 300 мыңнан астам жас алды.

Оқу-ағарту министрлігімен де бірлескен ауқымды жұмыстар жүргізілді. Мысалы, eGov порталы мен eGovMobile қосымшасы арқылы қорғаншылық және қамқоршылық бойынша анықтамаларды автоматты түрде беру мәселесі жолға қойылды, енді бұған шамамен 30 минут қана кетеді. Жақында біз бұл мәліметті «Цифрлық мәліметтер» бөліміне енгізгіміз келеді және оны «екі рет басу» арқылы кез келген жерге жіберуге болады.

Сонымен қатар, енді көпбалалы отбасылар өз бүлдіршіндерін жеңілдікпен тамақтандыру үшін мектепке бірнеше анықтама алып бару қажеттілігінен босатылады, мұнда да бәрі автоматтандырылған.

ВАК барысында балабақшаға кезекке тұру жүйесі, педагогтарды аттестациялау рәсімін онлайн форматқа көшіру, колледждер мен кәсіптік техникалық училищелерді бітіргендерге дипломның электрондық көшірмесін беру, сондай-ақ қала құрылысы саласына қатысты басқа да мәселелер талқыланды.

• 07.04.2023
• 271