Тәжікстан Президентінің елімізге сапары барысында меморандумға қол қойылды

Қазақстанның цифрлық құралдар мен әдіс-тәсілдерді ұсынуы жөніндегі меморандум бауырлас халықтың цифрлық технологиялар саласындағы дамуына жол ашады деп ойлаймыз.

Сондай-ақ, бұл ынтымақтастық екі ел арасындағы достық қарым-қатынасты нығайтуға және инновациялық әдіс-тәсілдердің  дамуын қолдауға мүмкіндік береді.

Аталған меморандум аясында біз мемлекеттік басқаруды цифрландыру бойынша кеңес береміз және өзіміздің ақпараттық жүйелерімізбен қалай жұмыс істеуге болатынын көрсетіп, үйретеміз.

Қажет болған жағдайда, біз бағдарламалық жасақтаманы пысықтаймыз және өзгертеміз, сонымен қатар, өзіміздің IT компанияларымызды жалдауға мүмкіндік береміз.

Қазір Қазақстанды ТМД елдері мен өңірдегі цифрландыру саласының көшбасшысы деп сенімді түрде айтуға болады.

Алдағы уақытта көршілес екі мемлекет өздерінің осы саладағы ұтымды жақтарын бірге дамытып, нығайтады деп ойлаймыз. Сондықтан, бұл Қазақстан мен Тәжікстан арасындағы тиімді ынтымақтастықтың жарқын бір көрінісі деуге толық негіз бар.

• 05.05.2023
• 220