Әйел – қоғам тірегі

Бүгін Қазақстан Республикасының Тәуелсіздігі күні қарсаңында еліміздің, Сыр өңірінің өркендеуіне аянбай үлес қосып жүрген белсенді, іскер, кәсіпкер әйел-аналармен, қыз-келіншектермен онлайн форматта «Әйел-қоғам тірегі» атты кездесу өткіздім.

Шараға республикалық Іскер әйелдер Ассоциациясының президенті, Маңғыстау, Ақмола облыстарының кәсіпкер әйелдері мен өз облысымыздың аудандарындағы кәсіпкер қыз-келіншектер қатысты.

Елбасымыздың: «Әйелдер Тәуелсіздік жылдарының бәрінде менің ең сенімді тірегім болды» деген сөзі бар.

Расында, әйелдер қауымы отбасының ұйытқысы болып қана қоймай, ел дамуына үлес қосып, қоғамдық-саяси, әлеуметтік-экономикалық және рухани-мәдени салада табысты еңбек етіп жүр.

Жалпы бюджеттік саланың 60 пайызы, аймақтағы 54157 шағын және орта кәсіпкерлік субъектісінің 22 мыңдайы әйелдер екен.

Кездесу барысында Маңғыстау, Ақмола облысының және біздің кәсіпкер әйелдер өз тәжірибелерімен бөлісті.

Шара соңында кездесуімізге онлайн қатысқан республикалық Іскер әйелдер Ассоциациясының президенті Раушан Сәрсембаева, маңғыстаулық Юлия Халиева, ақмолалық Раушан Қожановаға және өңіріміздегі бірқатар белсенді қыз-келіншектерге алғысымды білдіріп, марапаттадым.

Кездесуге қатысушылардың еңбегінен көрме ұйымдастырылды.

• 09.12.2020
• 446