IT - компаниялармен танысуды жалғастырудамын. Өткен аптада ConnectedHome кеңсесіне бардым

ConnectedHome – үй-жайларды, ақылды үйлер мен Smart ТҮ автоматтандыру шешімдерін жеткізушілер болып табылады.
Қазіргі таңда биометриялық домофондар, электронды құлыптар, кілттерді парольдердің алмастырғаны ешкімді таңқалдырмайды.
Адамдар үйлерінің ішін түрлі функциялармен және қауіпсіздік жүйелерімен жабдықтауда.
Өз басым бір кездері осы жобаның бастамашысы болғаныма қуанамын. Бүгінде бұл жақсы нәтиже көрсететін күрделі стартаптардың бірі әрі бірегейі болып отыр. Тимур Жүнісов – жобаның техникалық жағын іске асыруға жауапты маман. Мұхтар – компания басшысы. Олар өз командасымен бірге осыдан 5 жыл бұрын біз ұсынған бастаманы жүзеге асыра алды. Мен жобаның нарықта өз орнын тапқанына және ілгері дамып келе жатқанына өте қуаныштымын. Біз тұрғындардың өз үйлеріне қолжетімді бағада барлық қажетті датчиктерді, сондай-ақ смарт үйдің басқару элементін орната алғанын қаладық.
Бүгінде бұл жағдай мүмкін әрі қолжетімді болды толықтай айта аламын. Қазіргі таңда 3000 пәтер дәл осы шешімдерді қолдануда. Өйткені, оларда заманауи хаттамаларды қолдайтын өздерінің бағдарламалық-логикалық контроллері, қосымшалары және бағдарламалық жасақтамалары бар.
Цифрландыру министрі ретінде өз басым, қоғамға пайдалы саналатын дәл осындай жобаларды толығымен қолдаймын.
Сонымен қатар, Екібастұз қаласындағы ЖЭО апаты кезінде жігіттердің қалай жедел жұмыс істегенін де атап өткім келеді. ConnectedHome пәтерлердегі жағдайды бақылауға қатысты тиімді шешімге қол жеткізу үшін ауа температурасы мен ылғалдылығын көрсететін датчиктерді жедел түрде орната алды. «Жылы Қазақстан» жобасының көмегімен тәулік бойы нақты уақыт режимінде тұрғын үй пәтерлеріндегі ауа температурасы мен ылғалдылығы жайлы деректерге мониторинг жүргізуге болады. Көрсеткіштер төмен болған жағдайда, оны жақсарту бойынша шаралар қабылданады.
Нарықта осы сынды көптеген шешімдерді жеткізушілер – Қытай, Еуропа, Ресей мемлекеттері болып отыр. Бұл салада біздің, отандық өндірушілердің де пайда болғаны қуантады.
Біз офисті аралау кезінде сыртқы нарыққа шығу үшін коннектед хоум сынды стартаптарды қолдау мәселелерін талқыладық.
Жігіттерге толағай табыс тілеймін!

• 17.05.2023
• 238