Зияткерлік меншікті құқықтық қорғау және сақтау мәселелері жөніндегі мемлекетаралық кеңестің (ЗМҚМК) 13-отырысы өтті

2023 жылғы 16 мамырда Мәскеу қ. Зияткерлік меншікті құқықтық қорғау және сақтау мәселелері жөніндегі мемлекетаралық кеңестің (ЗМҚМК) 13-отырысы өтті.

ЗМҚМК-нің 10-шы отырысының жұмысына ТМД-ға қатысушы-мемлекеттердің патенттік ведомстволарының, ТМД Атқарушы комитетінің, Ресей Мемлекеттік зияткерлік меншік академиясының базалық ұйымының (РГАИС), Еуразиялық патенттік ведомствоның (ЕАПВ) және Еуразиялық экономикалық комиссияның өкілдері қатысты.

Әзербайжан Республикасының өкілдері отырысқа алғаш рет бақылаушылар ретінде қатысты.

ҚР Әділет министрлігі атынан Зияткерлік меншік құқығы департаментінің директоры Шолпан Тақтарқызы Абдреева қатысты.

ЗМҚМК отырысы барысында ЗМҚМК 12-шы отырысының шешімдерін орындау туралы, Зияткерлік меншікті қорғау және сақтау саласындағы ЗМҚМК-ге мүше-мемлекеттердегі істердің жай-күйі туралы, Зияткерлік меншік объектілерінің нарықтық құнын (бағасын) айқындау жөніндегі әдістемелік ұсынымдары жобасы туралы, есепті кезеңдегі РГАИС қызметі туралы ақпарат тыңдалды және талқыланды.

Қатысушылармен ТМД елдерінің «CISPATENT» өңірлік патенттік-ақпараттық өнімін өнеркәсіптік шығару жөніндегі жобасы шеңберінде одан әрі жұмыс, оның ішінде CISPATENT-ке енгізілетін деректерді кеңейту бойынша ұсыныстар айтылды. ТМД Атқарушы комитеті өкілінің 2025 жылы ТМД-да Ұлы Отан соғысындағы Жеңістің 80 жылдығын дайындау және мерекелеу жөніндегі іс-шаралар жоспарының жобасы туралы ақпараты назарға алынды.

ЕАПВ Президенті ведомствоның дамуы туралы, атап айтқанда, ЕАПВ іске асырып жатқан Зияткерлік меншік саласындағы интеграциялық жобалар және Еуразиялық патенттік жүйені дамытудың перспективалық бағыттары туралы хабардар етті.

ЗМҚМК кезекті отырысын өткізу 2024 жылға жоспарланған.

ЗМҚМК төрағасы болып Ресей Федерациясының өкілетті өкілі – Зияткерлік меншік жөніндегі федералды қызметтің басшысы Юрий Сергеевич Зубов сайланды. 

• 18.05.2023
• 192