ҚР Әділет министрі Азамат Есқараев халықаралық ғылыми-практикалық конференцияға қатысты

Астанада «Сот және құқық қорғау жүйесіндегі жасанды интеллект және үлкен деректер (Big Data): қазіргі жағдай және уақыт талабы» тақырыбында халықаралық ғылыми-практикалық конференция өтті.

Іс-шара барысында Азамат Есқараев Әділет министрлігінің цифрландыру саласындағы жобаларды іске асыруы барысымен таныстырды.

«Цифрлық нотариат», «Е-заң көмегі», «Аттестаттауды реинжинирингтеу», «Е-атқарушылық өндіріс», «Онлайн дауыс беру және МИБ тіркеу» сияқты смартфон арқылы қолжетімді мемлекеттік қызметтермен таныстырды. “Мемлекет басшысының тапсырмасын орындау мақсатында Министрлік «Digital Justice” – цифрлық әділет жобаларының портфелін іске асыруда. Жобалардың әлеуметтік маңыздылығын, сондай-ақ олардың халыққа қызмет көрсету сапасын жақсартуға және азаматтардың құқықтарын қорғауды арттыруға бағытталғанын ескере отырып, бұл бағыттағы жұмыс жалғастырылатын болады. Сонымен қатар, халыққа ыңғайлы мемлекеттік қызметтерді алу үшін осындай IT-шешімдерді енгізе отырып, киберқауіпсіздік туралы ұмытпауымыз керек», - деп атап өтті Әділет министрі.

Конференцияға Қазақстанның мемлекеттік, құқық қорғау және арнайы органдарының басшылары, ғалымдар мен халықаралық ұйымдардың өкілдері қатысты.

• 19.05.2023
• 219