Біз Франциядағы Station F цифрлық зауытында болдық

Бұл – әлемдегі ең ірі стартап инкубаторы. Олардың жобаларымен танысып, француздарға Astana Hub мүмкіндіктерін таныстырдық. Француз әріптестеріміз өз таңданыстарын білдірді, осылайша, біз өзара ынтымақтастыққа қызығушылық танытуына қол жеткіздік. Кездесуде біздің IDos Games, Verigram, Alaqan және Cerebra сынды жұлдызды стартаптарымыздың шағын таныстырылымын өткіздік. Біздің француз әріптестеріміз стартаптарды бірден жергілікті қорлармен, әлеуетті серіктестермен жеке таныстыруды ұсынды.

Жалпы, Франция – Еуропаның жетекші инвесторларының бірі, өткен жылы олардың инновацияларға салған инвестициясы 13 миллиард еуроны құрады.

Біз Station F-ге барған сапар қорытындысы бойынша неге қол жеткіздік?

• Қазақстандық стартаптар үшін Station F-нің инкубациялық және активациялық бағдарламаларына Fast track ұйымдастырылады. Бұл біздің жобаларымыздың жеке тәртіп бойынша қаралатынын, олардың француз инвесторлары мен корпорацияларына — бағдарлама серіктестері саналатын L'Oreal, Louis Vuitton және Meta сияқты ірі компаниялар арасында ұсынылатынын білдіреді. Инкубаторға кіретін жобалар, әрине, нетворкке, яғни іскерлік байланыстарды орнатуға, инвесторларға қол жеткізеді, француз нарығына шығуға көмек алады.
• Astana Hub және Station F өзара тәжірибе алмасады. Осылайша, қазақстандықтар еуропалық сарапшылармен ынтымақтастық орнатады және еуропалық нарыққа шығады.
• Қазақстан Astana Hub базасында Station F тәжірибесін енгізеді, бұл біздің стартаптарымызға өсуге және ішкі нарықта келісімшарттарға қол жеткізуге мүмкіндік береді.

• 23.05.2023
• 250