IT саласында жүрген қазақтың жас мамандары өз стартаптарын дамыту және сала тетіктерін жан-жақты игеру үшін АҚШ-та арнайы оқытудан өтеді

Astana Hub Draper University-мен бірлесіп іске қосқан акселерациялық бағдарламаға қатысушы стартаптардың 15 фаундері Кремний алқабына ұшып барып, кеше өз оқуларын бастады.
Бұл бағдарлама наурыз айында АҚШ-қа, Кремний алқабына жасаған ресми сапарымыздың нәтижесінде жүзеге асырылды, соның аясында Astana Hub және Draper University ынтымақтастық туралы келісімшартқа қол қойды.
Бұл – стартаптарымызға бірінші рет ұсынып отырған бірегей мүмкіндік. Біз қазақстандық стартаптардан басқа, Кремний алқабында Қырғызстан мен Моңғолиядан келген стартаптарға да оқуға мүмкіндік бердік және Astana Hub бағдарламаларына алғаш рет Түркиядан келген стартап қатысуда.
Сонымен, Кремний алқабында: Flowsell.mе (Қазақстан), ozen (Қазақстан), CITIX (Қазақстан), SpaceLab (Қазақстан), Smartestprep (Қазақстан), Smart Technologies (Қырғызстан), BEEP (Қазақстан), Beyne.аі (Қазақстан), FIBO CLOUD (Моңғолия), Sqm-invest (Қазақстан), Connected Home Ltd. (Қазақстан), MEDIXBOT (Түркия), Med365 (Қазақстан), Big Dream Lab (Қазақстан), Alaqan Technologies (Қазақстан) стартаптары оқытудан өтеді.
Олар My Ventures-тің қолдауымен Astana Hub және Draper University халықаралық технопаркінің бірлескен преакселерациялық бағдарламасының нәтижелері бойынша іріктеліп алынды.
Сондай-ақ төрт стартап – Beyne.аі, GoDays, BEEP және Smartestprep-дің әрқайсысы My Ventures бағдарламасының серіктесінен 30.000 доллар мөлшерінде инвестиция алды.
Стартаптар Кремний алқабында қарқынды акселерация бағдарламасынан өтеді және өз жобаларын әлемдік нарыққа, соның ішінде АҚШ нарығына дейін масштабтауға мүмкіндік алады.
Қарқынды акселерациялық бағдарлама DraperUniversity-дегі кампус негізінде 6 айға дейін барлық стартаптарға тұру және жұмыс кеңістігін ұсынады. Осы кезең ішінде қатысушылардың тәжірибелі технологиялық кәсіпкерлер мен Draper экожүйесі сарапшыларының жетекшілігімен инвестиция тартуға және АҚШ нарығына шығуға бірегей мүмкіндігі болады.

• 23.05.2023
• 243