ҚР Әділет министрі Азамат Есқараев ДЗМҰ-ның Өтпелі және дамыған экономикалы елдер бөлімінің директоры Хабип Асанмен кездесті

Кездесу барысында, Азамат Есқараев ДЗМҰ зияткерлік меншіктің халықаралық қорғауын дамыту мен жәрдемдесуде шешуші рөл атқаратынын атап өтті.

«Қазақстан Республикасы патенттердің, тауар таңбалардың және өнеркәсіптік үлгілер тіркеудің ұлттық жүйесін жақсарту бойынша белсенді жұмыс істеуде. Өткен жылы біздің елімізде зияткерлік меншік саласын одан әрі жетілдіруге бағытталған Заң қабылданды. Ағымдағы жылы Қазақстанның Марракеш шартына қосылуы бойынша жұмысты бастау жоспарлануда»,- деді Әділет министрі.

Хабип Асан Қазақстанның Марракеш шартына қосылу жөніндегі жұмысты бастауға деген ұмтылысын жоғары бағалады. Бұл көзі көрмейтін, көру қабілеті бұзылған және баспа ақпаратын қабылдау қабілеті шектеулі адамдарға кітаптарға, журналдарға және басқа да баспа материалдарына қолжетімділікті кеңейтуге мүмкіндік береді - деді ол. Кездесу қорытындысы бойынша, тараптар ынтымақтастықты одан әрі жалғастыру бойынша уағдаласты.

• 08.06.2023
• 217