Бүгін Сыбайлас жемқорлыққа қарсы іс-қимыл агенттігімен кездесу өтті

Бүгін Сыбайлас жемқорлыққа қарсы іс-қимыл агенттігімен кездесу өтіп, онда мен Алик Жатқамбайұлына әріптестеріммен бірге Мемлекет басшысына жаңа жылға қарай іске қосуға уәде еткен жаңалықтарыммен бөлістім. Egov mobile қосымшасында тіркелу кезіндегі қиындықтары жайлы көп айтылған болатын. Бұдан былай, биометрия арқылы тіркелу процесі қазақстандықтарға қолжетімді. «ҰАТ» АҚ Басқарма төрағасының орынбасары Ақан Сарманов eGov mobile қосымшасында тіркелу мүмкіндіктері мен жаңа қағидатын көрнекі түрде көрсетті. Оның командасының көмегімен мемлекеттік қызметтер одан да қол жетімді болды. Пайдаланушылар бір минут ішінде eGov mobile порталында, мобильді азаматтар базасында тіркеле отырып, ЭЦҚ-ны бірден ала алады. Сондай-ақ, өзінің жеке кабинетіне және 73 қызмет пен сервиске кіруге мүмкіндігі бар.

Сондай-ақ, жер қатынастары саласын цифрландыруы туралы баяндадым. Нақты айтқанда, Ақтөбе қаласында пилоттық жоба ретінде іске қосылды. Енді онлайн сауда-саттық немесе аукциондар арқылы жер учаскесін сатып алуға немесе жалға алуға болады. Бұл пилоттық жобаны іске қосу үшін бірден бірнеше келесі ақпараттық жүйелерді - электрондық үкімет порталын, жылжымайтын мүліктің бірыңғай мемлекеттік кадастрын, жергілікті атқарушы органның геопорталын және электрондық сауда алаңын өзара байланыстыру қажет болды. Ағымдағы кезеңде пилоттық жоба тек ақтөбеліктер үшін қолжетімді, сондай-ақ екі жер учаскесі бойынша алғашқы сауда-саттық өтті.

Бұдан басқа, мемлекеттік органдардың ақпараттық жүйелерін оңтайландыру және экономика салаларын цифрландыру бойынша платформалық тәсілін, жалпы Министрліктің жай-күйі мен бар проблемаларды жүйелі шешу туралы айтып бердім. Әріптестерім мен Алик Жатқамбайұлына сыбайлас жемқорлыққа қарсы жобалар аясында не істеп жатқанымызды талқылап, көрсету мүмкіндігі үшін алғысымды білдіргім келеді.

• 15.12.2020
• 343