Жыл басынан бері Маңғыстау облысында 3 мыңнан астам азаматқа тегін заң көмегі көрсетілді

Бұл туралы 28 шілдеде ҚР Әділет вице-министрі Алма Мұқанова Маңғыстау  облысының тұрғындарымен кездесуде хабарлады.

Вице-Министр өзінің баяндамасында Digital Justice – Цифрлық әділет бастамасы шеңберінде 12 жобаның іске асырылғаны туралы, атап айтқанда азаматтарға электрондық форматта кепілді мемлекеттік заң көмегін алуға мүмкіндік беретін «Е-заң көмегі» жүйесін әзірлеу туралы хабарлады.

«Адвокаттық қызмет және заң көмегі туралы» заңға құқықтық кеңес беру түрінде тегін заң көмегіне кепілдік беретін тұлғалар шеңберін кеңейтетін өзгерістер енгізілді. Енді аз қамтылған және көп балалы отбасылар, тұрмыстық зорлық-зомбылық, азаптау құрбандары, 1 және 2 санаттағы мүгедектер, зейнеткерлер тегін кеңес ала алады. Олар кәсіпкерлік қызметке қатысты мәселелерді қоспағанда, соттарда ақысыз заң көмегіне жүгіне алады. Жыл басынан бері Маңғыстау облысында 3279 азаматқа тегін заң көмегі көрсетілді.

Сонымен қатар, Алма Мұқанова Маңғыстау облысы бойынша 160 мыңға жуық атқарушылық іс жүргізудің 12 мыңнан астам құжаттары алимент өндірістеріне жататынын хабарлады.

2023 жылдың 1 жартыжылдығында Маңғыстау облысы бойынша алимент төлемдері туралы сот актілерін орындамағаны үшін 79 борышкер әкімшілік жауапкершілікке тартылды, қылмыстық жауапкершілікке тарту үшін ішкі істер органдарына 65 ұсыныс жіберілді, оның 17-і бойынша айыптау сот үкімдері шығарылып, 2 іс ақтайтын негіздер бойынша тоқтатылды. Сонымен қатар, а.ж. алимент бойынша 330 борышкерге Қазақстан Республикасынан шығуға уақытша шектеу қойылған, жалпы алғанда берешегі 40 АЕК-тен асатын борышкерлердің барлығына ҚР шығуға шектеу қойылған.

Бұдан бөлек, мемлекет пайдасына және мүддесіне қатысты атқару құжаты бойынша мемлекет пайдасына 900 млн теңгеге жуық сома өндірілді.

Сондай-ақ, А.Мұқанова Әділет министрлігінің халықтың құқықтық сауаттылығын арттыруда белсенді жұмыс атқарып жатқандығын айтып, Құқықтық ақпараттық қызмет орталығының маңыздылығын қатысушылар назарына жеткізді.

Кездесу соңында Әділет вице-министрі Маңғыстау облысының тұрғындарына жеке қабылдау өткізді.

• 28.07.2023
• 168