Әділет министрлігінің қызметкерлері «Шарапат» әлеуметтік қызмет көрсету орталығына барды

Отбасы күні қарсаңында Әділет министрлігінің қызметкерлері Астана қаласының «Шарапат» ӘҚКО» МКҚК-да барды. Әлеуметтік мекемеде 300-ге жуық адам және 20 ерлі-зайыпты тұрып жатыр, мұнда қажетті барлық әлеуметтік-медициналық қызметтердің кешені көрсетіледі.

Кездесу барысында Министрлік қызметкерлері концерттік бағдарлама ұйымдастырып, сыйлықтар табыс етті.

Өз кезегінде, қарттар үйінде тұратын ересек ұрпақ отбасы мен отбасылық дәстүрлер қашанда халықтың басты құндылығы болғандығы туралы пікірлерімен бөлісті. Ерлі-зайыпты Орынтай Мұхтаров пен Әлия Жұбатқанова қазақстандықтарға отбасылық бақыт, денсаулық және амандық тіледі.

Бұд отбасылық жұп шахматтан және тоғызқұмалақтан параолимпиадашылар – Қазақстанның чемпиондары екенін атап өткен жөн. Олар қарттар үйінде танысып, отбасын құрған.

• 08.09.2023
• 195