Әділет министрі Азамат Есқараев Түркия Республикасының Бас омбудсменімен кездесті

Кездесу барысында Әділет министрі Азамат Есқараев пен Түркия Республикасының Бас омбудсмені Шереф Малкоч мырза және Түркия Республикасының ҚР-дағы Төтенше және Өкілетті Елшісі Мұстафа Капуджу арасында құқықтық ынтымақтастықты нығайту және адам құқықтарын қорғау жөніндегі мәселелер талқылау жүргізілді.

Кездесуде Қазақстандағы адам құқықтарының түрлі аспектілері талқыланды. Тараптар атқарылған жұмыстар туралы ақпарат алмасып, құқықтық жүйені жетілдіру саласындағы тәжірибелерімен бөлісті.

Екі мемлекет арасындағы ынтымақтастықты дамытуға ерекше көңіл бөлінді. Түрік тарапы елімізде жүргізіліп жатқан адам құқықтары саласындағы оң реформаларға жоғары баға берді.

Кездесу соңында перспективалы бағыттар шеңберінде одан әрі ынтымақтастық туралы уағдаластыққа қол жеткізілді.

• 08.09.2023
• 208