Басты бағдар - Қазақстанды IT- елге айналдыру

Мемлекет Басшысы Қасым-Жомарт Тоқаев  Қазақстан халқына жыл сайынғы Жолдауы аясында еліміздегі цифрландыру және инновацияларды енгізу мәселелеріне айрықша назар аударатынын айтты. Ол Қазақстанды IT-елге айналдыруды және еліміздің Еуразиядағы транзиттік тораптық хаб ретіндегі позициясын нығайтуды тапсырды. Президент біздің электронды Үкімет пен финтехті дамыту индексі бойынша әлем көшбасшыларының қатарында тұрғанымызды атап өтті.

Отандық IT-саланың экспорт көлемі өткен жылдың өзінде бес есе өсті. Жылдың соңына дейін бұл көрсеткіш 500 миллион долларға жетуі мүмкін. Бұл – факт.

Сонымен қатар, Қасым-Жомарт Кемелұлы өз Жолдауында біздің алдымызға 2026 жылға қарай IT-қызметтердің экспортын бір миллиард долларға жеткізу жөнінде жаңа міндет қойды Бұған, әрине, ірі шетелдік IT-компаниялармен бірлескен кәсіпорындар ашу арқылы қол жеткізуге болады.

Мемлекет басшысы жасанды интеллект технологияларын қолданудың маңызын атап өтіп, білікті мамандарды даярлауға баса назар аударуды тапсырды. Біз бұл міндеттерге қол жеткізу үшін күнделікті жұмыс істейміз. Осы орайда айта кететін маңызды іс-шара бар. Астанада 12-13 қазанда Орталық Азиядағы ең ауқымды технологиялық форум – Digital Bridge 2023 өтеді, оның негізгі тақырыбы – Artificial and Human intelligence: the right balance. Бұл тақырып аясында қазіргі әлемдегі жасанды интеллект рөлі кеңінен талқыланады.

• 20.09.2023
• 189