Нью-Йоркте Mastercard халықаралық төлем жүйесімен ынтымақтастық туралы келісімге қол қойдық

Келісім шеңберінде Қазақстан мен Mastercard елді цифрландыруды дамытуға арналған бірлескен бағдарламаны (Kazakhstan digital Country Partnership) іске асырады.

Бұл - қазақстандықтар үшін маңызды оқиға. Оның себебін түсіндірейін. Mastercard сынды халықаралық компаниялармен ынтымақтастық орнату бізге инвестициялар тартуға, білікті мамандар даярлауға, ЖІӨ-ні ұлғайтуға және тұрақты экономикалық өсімге қол жеткізуге мүмкіндік береді.

Екіжақты ынтымақтастық біздің елімізге не береді?

• Mastercard жаһандық желісін пайдалана отырып, GovTech қазақстандық моделін ілгерілету;
• Түрлі салалардағы (мемлекеттік төлемдер, ауыл шаруашылығы, білім беру және т. б.) төлемдерді цифрландыру есебінен қаржылық қызметтерге қолжетімділік аясын кеңейту;
• IT-экспортты, электрондық коммерцияны, ШОБ-ты цифрландыруды, финтех экожүйесін ілгерілету және дамыту бойынша ынтымақтастық;
• Туризм және қалалық көлік секторларына баса назар аудара отырып, Қазақстанның «ақылды қалалары» бағдарламасын қолдау;
• Киберқауіпсіздікті қамтамасыз ету және алаяқтыққа қарсы іс-қимылды жүргізу арқылы қауіпсіз және тұрақты цифрлық экожүйені құруға жәрдемдесу;
• Тараптар халықтың әртүрлі топтарының цифрлық және қаржылық сауаттылығымен байланысты жобаларды ілгерілету жөніндегі ынтымақтастыққа айрықша мән беретін болады.

Қазіргі таңда Mastercard бүкіл әлем бойынша 210 елде және аумақтарда бар екенін атап өткім келеді, онда үкіметтерге көптеген секторда пайда әкелетін өсу салаларына бағытталған 1600-ден астам әртүрлі үкіметтік жобаларды жүзеге асыруға арналған ауқымды технологиялық платформа мен цифрлық активтерді пайдаланады.

• 20.09.2023
• 272