Қазақстанда аймақтық бұлтты есептеулер хабы құрылады

Қазақстанда аймақтық бұлтты есептеулер хабы құрылады. Бұл туралы Әділет министрі Азамат Есқараевтың төрағалығымен өткен Заң жобалау қызметі мәселелері бойынша кеңесте белгілі болды. Шараға ҚР Парламентінің депутаттары, мемлекеттік органдар мен үкіметтік емес сектордың өкілдері қатысты. Ведомствоаралық комиссия отырысы барысында белгілі болғандай, Қазақстанда аймақтық бұлтты есептеулер хабын құру жобасы талқыланды.

Жоба әзірлеушілерінің айтуынша, бұлтты технологияларды енгізу туралы заң жобасы Қазақстанда бұлтты технологияларды дамытуға және Azure, Google Cloud және басқада қазіргі нарықтағы жаңа және жаһандық қатысушыларын тартуға бағытталған. Заң жобасының мақсаты Қазақстандағы аймақтық бұлтты есептеуіш хабын құрып, ірі деректер орталықтары мен бұлттық сервистерді дамыту.

Одан бөлек, Үкіметаралық комиссия мүшелері отырысында «ҚР сот жүйесі мен судьяларының мәртебесі» ҚР Конституциялық заңға өзгерістер мен толықтырулар енгізу туралы» «ҚР кейбір заңнамалық актілеріне сот жүйесін реформалау мәселелері бойынша өзгерістер мен толықтырулар енгізу туралы» жүйелерді және іс жүргізу заңнамасын жетілдіру» туралы заң жобалары қаралды.

Сонымен қатар, «ҚР Әкімшілік құқық бұзушылық туралы кодексіне БАҚ мәселелері бойынша өзгерістер енгізу туралы» консультативтік-кеңесші құжат және ҚР Үкіметі қаулысының жобасы «ҚР Үкіметінің 2024 жылға арналған заңнамалық жұмыс жоспары» талқыланды. Естеріңізге сала кетсек, ведомствоаралық комиссия отырысы Заң шығару қызметі бойынша мемлекеттік органдар мен бизнес-қоғамдастық арасындағы бастамаларды талқылау және диалог құруға арналған алаң.

• 21.09.2023
• 220