Біріккен ұлттар ұйымы алаңында өткен SDG Digital Day саммиті конференциясында сөз сөйледім

Бұл беделді алаңда БҰҰ мойындаған, тұрақты даму мақсаттарына қол жеткізу жолында жүзеге асырылған ерекше IT шешімдер ұсынылды.

Менің презентациям GovTech трансформациясы аясында Қазақстанда жүзеге асырылып жатқан «Ццифрлық отбасы картасы жобасына» арналды. Цифрлық инновацияның әлеуметтік теңсіздіктерді қалай шеше алатынын көрсетіп, 190-нан астам елден келген әріптестеріме біздің IT жобаны таныстырдым.

Цифрландыру халықаралық ынтымақтастық пен білім алмасудың жаңа мүмкіндіктерін ашатыны сөзсіз. Ал Қазақстан өз кезегінде цифрлық технологияларды дамытуда басқа елдермен жинаған тәжірибесімен бөлісуге дайын екенін де ерекше айта кеткен жөн.

Конференция аясында бірқатар елдің цифрлық министрлері және Біріккен Ұлттар ұйымының өкілдерімен кездесіп біздің IT өнімдерді таныстырдым. Оның ішінде БҰҰ Экономикалық және әлеуметтік мәселелер жөніндегі департаментінің цифрлық үкімет жөніндегі басшысы Винченцо Акуаромен, БҰҰ Даму бағдарламасының цифрлық технологиялар жөніндегі басшысы Роберт Оппомен екіжақты кездесу өткіздім.

• 21.09.2023
• 210