Елордада адам құқықтарын қорғау және сақтау мәселелері талқыланды

Астанада мемлекеттік органдар, халықаралық ұйымдар және азаматтық қоғам өкілдерінің қатысуымен дөңгелек өтті. Оған қатысушылар адам құқықтарын сақтау және қорғау мәселелерін талқылады.

Бұл іс-шара Адам құқықтарының жалпыға бірдей декларациясының 75 жылдығы және БҰҰ-ның адам құқықтары жөніндегі Жоғарғы комиссары басқармасының құрылғанына 30 жыл толуына сәйкес келіп отыр. Ал келесі жылы БҰҰ – ның 80 жылдығы атап өтілетінін айта кету керек.

Іс-шараның ашылуында сөз сөйлеген Әділет министрі Азамат Есқараев: «Бүгінгі дөңгелек үстелдің тақырыптық талқылаулары Әмбебап кезеңдік шолуда пікірін еркін білдіруге, сөз бостандығына кепілдік, еркін ақпарат алуға және тарату құқығы, бейбіт түрдегі жиналыстарды өткізу құқығы, қауымдастықтар құру құқығы, сот төрелігіне қол жеткізу және әділдікті талқылау құқықтары, соның ішінде БҰҰ-ның адам құқықтарының әмбебап кезеңдік шолудың алдағы төртінші цикліне арналған. Өткен аптада Мемлекет басшысы БҰҰ Бас Ассамблеясының 78-ші сессиясы аясындағы жалпы дебатта сөйлеген сөзінде Қазақстан БҰҰ Жарғысының қағидаттарына өзінің адал екенін тағы бір рет мәлімдеді және заң үстемділігінің маңыздылығын айтты. Бүгінгі дөңгелек үстел осы адам құқықтары саласындағы қызметті дамыту мен жетілдіруге қосымша серпін беретініне сенімдімін», - деп атап өтті.

Дөңгелек үстелге қатысушылар мен спикерлер: БҰҰ Адам құқықтары жөніндегі Жоғарғы комиссары басқармасының Орталық Азиядағы аймақтық өкілі - Матильда Богнер, ҚР Президентінің жанындағы Адам құқықтары жөніндегі комиссияның төрағасы - Игорь Рогов, ҚР Адам құқықтары жөніндегі уәкілі - Артур Ластаев, сондай-ақ мемлекеттік органдардың, үкіметтік емес ұйымдардың, ғылыми қоғамдастықтың, елде тіркелген дипломатиялық корпустың және халықаралық ұйымдардың басшылары қатысты.

Іс-шараны ҚР Әділет министрлігінің қолдауымен БҰҰ Қазақстандағы тұрақты үйлестірушісі кеңсесі, БҰҰ Адам құқықтары жөніндегі Жоғарғы Комиссарының Басқармасы, БҰҰ Даму бағдарламасы бірлесіп ұйымдастырды.

• 27.09.2023
• 180