«Азаматтарға арналған үкімет» мемлекеттік корпорациясы» коммерциялық емес акционерлік қоғамының ұжымына жаңа төраға Әділ Қожиховты таныстырдым.

«Азаматтарға арналған үкімет» мемлекеттік корпорациясы» коммерциялық емес акционерлік қоғамының ұжымына жаңа төраға Әділ Қожиховты таныстырдым. Бірақ осы жазбада Асемгуль Балташева туралы айтып, оған алғысымды білдіргім келеді. Біз көптеген жұмыстарды бірнеше жылдар бойы бірге атқардық. Әсемгүл Балташеваны өз ісіне берілген нағыз кәсіпқой маман ретінде білемін. ХҚКО жүйесіне мен комитет төрағасының орынбасары болған кезде оны Павлодар қаласының филиалына шақырдық. Бізге сервис пен клиентке бағдарлануды қалыптастыру маңызды болды, ал Әсемгүл Қазақтелекомда жұмыс тәжірибесі бар үздік кандидат болды. Филиал директорынан бастап осындай үлкен ұйымның басшысына дейінгі мансап жолы - көпшілік қауымға үлгі және мақсаткерлік пен кәсібиліктің көрсеткіші болып табылады. Кезінде Әсемгүл еліміз үшін әлеуметтік маңызы бар нысанды басқару жауапкершілігін өзіне алудан қорықпады және қойылған міндеттерді орындай отырып жұмыс істеді. Әсемгүл, Мемлекеттік корпорацияның дамуына қосқан үлесіңіз баға жетпес сіңірілген еңбек! Сіз қабылдаған маңызды шешімдер Сізге жаңа мансаптық биіктерге жетуге мүмкіндік беретініне сенімдімін!

Ал жаңа төрағаға жоспарланған барлық істердің сәтті жүзеге асуын тілеймін!

• 08.01.2021
• 374