Digital Bridge көрмесінде Мемлекет басшысына цифрландыру саласындағы жобалар таныстырылды

Әділет вице-министрі Бекболат Молдабеков Мемлекет басшысы Қасым-Жомарт Тоқаевқа «Цифрлық нотариат» жобасын таныстырды. Бұл жоба азаматтар үшін ыңғайлы және нотариустардың табысынан айырылмай, нотариаттық қызметтерді онлайн форматқа көшіруді көздейді. Осыған дейін нотариустар нотариаттық құжаттарды тек қағаз жүзінде дайындап, Е-нотариат жүйесінде тіркейтін.

Осы жылдың сәуір айынан бастап. азаматтарға онлайн режимде бейнеқоңырау арқылы сенімхаттар, ерлі-зайыптылардың келісімі және кеңес алу мүмкіндігі қолжетімді болды. Осылайша, қазір нотариусқа бару міндетті емес. Себебі нотариус қызметін алу үшін eGovMobile мобильді қосымшасына кіріп, жеке кабинетте өтініш формасын толтырып, биометриялық тексеруден өту қажет.

Жоба іске қосылғаннан бері бүгінгі күнге дейін 18 мыңға жуық цифрлық сенімхат берілді. Бұл ел тұрғындарының осы қызметке деген сұранысының көрсеткіші.

• 12.10.2023
• 206