Естеріңізде болса, мен бұған дейін Қазақстанда спорттық бағдарламалау бойынша алғашқы чемпионат өтетінін айтқан болатынмын

Бұл математикалық алгоритмдік есептерді бағдарламалау тілдерін қолдана отырып шешетін перспективалы интеллектуалды спорт түрі.
Digital Bridge IT-форумында сөйлеген сөзінде ICPC қорының атқарушы директоры Уильям Паучер 2024 жылы Астанада Спорттық бағдарламалаудан Қазақстан чемпионатын өткізу туралы мәлімдеді.

Қазақстандық және халықаралық компаниялардың назарын аударатын іс-шара, ауқымды әрі қызықты болғалы тұр. IT-индустрияның дамуына спорттық бағдарламалауды насихаттау мен дамыту үлкен әсер ететінін атап өткен жөн. Қазақстандық оқушылар мен студенттер IOI және ICPC тәрізді халықаралық жарыстарға үнемі қатысып, рейтингтік позицияларға ие болып жүргенін жақсы білесіздер.

Мемлекет басшысы атап өткендей, бұл Чемпионат жас таланттар үшін тамаша бастама болмақ, әрі еліміздің IT-қоғамдастығын нығайтуға ықпал етеді. Сонымен қатар, бұл қазақстандық бағдарламашылардың әлемдік аренада танылуына жағдай жасайды.

• 19.10.2023
• 153