Бүгін Арман Әбдірасыловпен және «Ұлттық ақпараттық технологиялар» АҚ ұжымымен ағымдағы жағдайды талқылап, барлық тараптарды тыңдадым

Бүгін Арман Әбдірасыловпен және «Ұлттық ақпараттық технологиялар» АҚ ұжымымен ағымдағы жағдайды талқылап, барлық тараптарды тыңдадым. Компанияда бекітілген стратегия аясында жаңарту бойынша ауқымды жұмыстар күтілуде. eGov порталының тоқтап қалуы, сервистердің қолжетімсіздігі - бұл «ҰАТ» АҚ баяулығының және «ҰАТ» АҚ, холдинг және министрлік арасындағы өзара қарым-қатынастардың салдары. Мұны өзгерту қажет! Ағымдағы кезеңде компанияның бәсекелестік ортаға шығып, мемлекет үшін ғана емес, халықаралық компаниялар мен бизнес мақсатында eGov немесе gov.kz сияқты ірі жобаларды іске асыруы маңызды.
Ірі компаниялардағы кез-келген өзгеріс процесі ауыртпалықсыз бола алмайды. Әрине, диалог құру, қайда және қалай ісімізді жоспарлап отырғанымызды түсіндіру арқылы ретке келтіретін өзекті мәселелер болады. Мен Қазпоштаның тәжірибесімен білемін. Өз уақытысында сол ұйымда да өзгерістер болды. Кейбір қызметкерлер сәлемдемелер супермаркетіне сенбеді. Мысалы, қазір сәлемдемелер супермаркеті Қазпошта ұйымына алғыс білдіруде.
Мен өзім «ҰАТ» АҚ жұмыс істедім және бұл компанияны баяғыда өзгерту, мемлекеттік мекемеден заманауи технологиялық компанияға ауыстыру қажет екенін білемін. Сондықтан бүгін барлық тараптарды тыңдадым. Қалыптасқан жағдай бойынша арнайы комиссия құрылады, оны вице-министр басқарады және бұл комиссия өз ұсыныстары мен шешімдерін әділ шығарады. Ал мен өз кезегімде ұжымнан өз ұсыныстарын күтемін, оларды кейінірек талқылап, іске асыруға болады.
Ең бастысы, компания өзгеруі керек. Өз қуаттылығын жақсарту қажет. Елдің, жалпы әлемнің ең озат IT мамандары жұмыс істегісі келетін брендке айналу керек. Бірлескен күш-жігерімізбен мықты команда құра алатынымызға шын жүректен сенемін.

• 22.01.2021
• 316