Астанада адам құқықтарына арналған конференция өтті

Бүгін ҚР Әділет министрі Азамат Есқараев «Адам құқықтарын қамтамасыз ететін халықаралық құқықтық нормаларды ұлттық заңнамаға енгізу» тақырыбында өткен халықаралық ғылыми-тәжірибелік конференцияда баяндама жасап, министрліктің осы бағыттағы іс-шараларына тоқталды.

2022 жылдың 1 ақпанынан бастап Әділет министрлігі Бас прокуратура, Сыртқы істер министрлігі және басқа да өкілетті органдармен бірлесіп, шарттық органдардың жеке хабарламалары мен пікірлерін қарастыру бойынша жұмыс жүргізіп жатыр.

2023 жылғы желтоқсандағы жағдай бойынша Ведомствоаралық жұмыс тобы 15 отырыс өткізіп, онда адам құқықтары жөніндегі шарттық органдардың 35 өтініші мен пікірі қаралды.

«Әділет министрлігі адам құқықтары саласындағы мемлекеттік жоспарларды іске асыру бойынша үйлестіруші орган бола отырып, еліміздің адам құқықтары саласындағы жетістіктерін атап өтуі керек.

Осы жылы белгіленген мерзімдерге сәйкес адам құқықтары саласындағы бірінші кезектегі шаралар жоспарын іске асыру бойынша жұмыстар аяқталады.

Адам құқықтары мен заңдылықты қамтамасыз ету саласындағы одан әрі іс-шаралар жоспарын іске асыру шеңберінде «Қылмыстық істерді кассациялық тәртіпте қарауды реттейтін заңнаманы қолдану туралы» нормативтік қаулы, «Қылмыстық істерді кассациялық тәртіпте қарауды ұйымдастыру туралы» нұсқаулық қабылданды.

Адам құқықтары жөніндегі уәкілдің бұйрығымен прокуратурада азаптау істері бойынша сотқа дейінгі тергеп-тексеру туралы» Заңы бекітілді, Қазақстан Республикасында «Құқық қорғаушыларды қорғау жөніндегі» жұмыс тобы құрылды», - деді министр.

Адам құқықтарының жалпыға бірдей декларациясы адам құқықтары тарихындағы жаңа кезеңді белгіледі.

Декларация мәтіні барлық адамдар ие болатын құқықтардың бірінші жаһандық анықтамасы және адам құқықтары туралы Халықаралық биллдің бөлігі болып табылады.

Қазақстан халықаралық құқықты ілгерілету және адам құқықтарының халықаралық стандарттарын адам құқықтарын қорғаудың ұлттық жүйесіне енгізу бойынша белсенді шаралар қабылдауда.

• 07.12.2023
• 218