Astana Hub қатысушысы - Citix компаниясының негізін қалаушы Яна Шойбекова әйгілі америкалық инвестор Тим Дрейпердің инвестициясын тартты. Citix – Astana Hub және Google for Startups бірлескен бағдарламасының түлегі

Яна - ірі IT-кәсіпкер. Ол ұзақ уақыт бойы бизнеспен айналысып келеді, бірақ Цифрлық даму министрлігі мен Астана хабтың қолдауымен, хаб ұйымдастырған Дрейпер университетінде оқудан өтіп, бизнесінің әлеуетін арттыра алды.

Біздің Хаб IT индустриясындағы ірі халықаралық ойыншылармен байланыс орнатуға көмектеседі.

Жақында өткен Digital Bridge-ке Тим Дрейпер Астанаға өзі келіп, IT қауымдастығымен бірқатар сессия мен кездесу өткізді, бұл Яна сияқты кәсіпкерлерге өз идеясын сатуға септігін тигізді. Енді Дрейпер Янаның жобасына инвестиция салды, бұл сөзсіз жақсы нәтиже. Себебі, Тим Дрейпер Tesla, Hotmail, Skype, Robinhood, Coinbase, Tesla және Space X сияқты ірі компанияларға инвестиция салған танымал тұлға.

Бұдан бөлек, Яна Сан-Францискодағы Silkroad Innovation хабтың да резиденті, бұл да оның жетістігіне көмектесті. Silkroad инновациялық хабында Дрейпер университетімен бірге курстарды ұйымдастыруға атсалысқандардың барлығына алғысымды білдіргім келеді. Бұл қазақстандық IT қызметкерлеріне берілген үлкен мүмкіндік.

Дрейпер университетіне табысты бизнесі немесе стартаптары барлар оқуға кетті. Мысалы, сол кездегі Яна жобалары жылына ондаған миллион доллар табыс әкелетін. Соған қарамастан, Яна Хабтың басқа резиденттері сияқты, мұнымен тоқтап қалмауға шешім қабылдап, мемлекеттің қолдауын пайдаланып, қайтадан оқуға кірісті, бұл оның жобасының дамуына жаңа серпін берді.

Ежелгі грек философтары: «Мен неғұрлым көп білсем, соғұрлым ештеңе білмейтінімді түсінемін», - деген. Олай болса, сапалы білімімен мақтанбай, мемлекеттік қолдау құралдарын пайдалана отырып, Силикон алқабына оқуға және одан әрі дамуға барған осы табысты, өзін-өзі жетілдіруден шаршамайтын жігіттер-мен қыздарды мысалға келтіргім келеді. Жастар дамуға дайын болса, мемлекет те оларды қолдауға барынша дайын.

Яна мен бүкіл Citix командасын осындай керемет жетістікпен құттықтаймын!

• 12.12.2023
• 183