“Азаматтарға арналған үкімет" мемлекеттік корпорациясына қатысты Заң мақұлданды. Бұл заң мемлекеттік қызметтерді алуды жеңілдетіп, еліміздің шалғай ауылдарындағы азаматтарға да мемқызметтерді алуға мүмкіндік береді

Бұл қалай мүмкін болды? Бұл серіктес-компанияларға мемлекеттік қызметтер көрсету жөніндегі функциялардың бір бөлігін беру туралы жаңашылдықтың арқасында жүзеге асырылатын болады.

Енді "Қазпошта" сияқты серіктес компаниялар сіздің өтінімдеріңізді қабылдайды және Халыққа қызмет көрсету орталықтары жоқ шағын ауылдарда жұмыс істейді. Бұл жұмыс тек өтінімдерді қабылдап, нәтижелерді беруге қатысты ғана болады. Сіздің деректеріңіз мемлекеттің жіті қарауында сақталады, қорғалады және жеке компанияларға берілмейді.

Бұл заң-еліміздің барлық азаматтары үшін мемлекеттік қызметтердің қолжетімділігі мен ыңғайлылығын жақсартуға жасалған нақты қадам. Бұл құжат халықтың қажеттіліктерін өтейтін заңға айналатынына сенімдімін, өйткені оның негізгі қағидаттары азаматтардың ыңғайлылығы мен жайлылығына бағытталған.

Әлеуметтік желілердегі жеке хабарламалар мен комментарийлерді оқи отырып, Мемлекеттік корпорация қызметкерлерінің жауапкершілігі халықтың толғандыратын мәселелердің бірі екенін байқаймын. Дәл осы Заң азаматтардың жеке деректерімен жұмыс істеу бөлігінде қызметкерлердің жауапкершілігін күшейтеді. Енді ережені бұзған қызметкерлер мемлекеттік қызметшілермен бірдей жазаға тартылады.

Біз, сондай-ақ, Мемлекеттік корпорация қызметкерлерінің жалақысын көтеру бойынша жұмысты жалғастырудамыз. Жаңа заңға сәйкес Халыққа қызмет көрсету орталықтары азаматтардың қалауы мен сұрауы бойынша қосымша сервистер мен қызметтер көрсете алады.

Мемлекеттік қызметтер барлық азаматтар үшін қолжетімді болуы - біз үшін өте маңызды. Мысалы, мүмкіндігі шектеулі жандарға үйге құжаттарды тегін жеткізу сияқты маңызды льготаларды күшінде қалдырдық.

Бұл заң Парламентте мұқият талқыланды, жария талқылаудың барлық кезеңдерінен өтті, қабылданды және Қазақстан Республикасының Президентіне қол қоюға жіберіледі.

Жаңа жыл қарсаңында "Азаматтарға арналған үкімет" мемлекеттік корпорациясына қатысты Заң президентіміздің қолдауына ие болып, қоғамның дамуына үлесін қосады деп сенемін.

• 22.12.2023
• 195