Әділет министрлігі жеке сот орындаушылар мен нотариустардың заңсыз әрекеттері үшін жауапкершіліктерін арттыруға бағытталған түзетулер пакетін дайындады

Бұл туралы Бас прокуратураның алқа мәжілісінде ҚР Әділет министрі Азамат Есқараев мәлім етті. Отырыста талқыланған өзекті мәселелердің бірі 2021-2023 жылдар аралығында нотариустар мен жеке сот орындаушылардың қызметі аясында жүргізілген прокурорлық тексерулердің қорытындылары болды.

Алқа отырысында Әділет министрі заңнаманы жетілдіру перспективалары мен нотариустар және жеке сот орындаушылардың жұмысының тиімділігін қамтамасыз ету бойынша өткізілген практикалық шараларға тоқталып өтті.

«Әділет министрлігі тиісті түзетулер пакетін дайындады. Соған байланысты біз депутаттық корпустан, Бас прокуратурадан және мемлекеттік органдардан түзетулерді қолдауды сұраймыз. Бұл шаралар жеке және заңды тұлғалардың құқықтарын сақтауға, мүдделі тұлғалар арасындағы сөз байласуды жоюға және жеке сақтандыру компаниялары мен нотариустардың заңсыз әрекеттері үшін жауапкершілігін арттыруға септігін тигізеді деп ойлаймыз», - деді Азамат Есқараев.

Әділет министрі алқа қатысушыларына маңызды пікірталас үшін ризашылығын білдіріп, еліміздегі құқықтық тәртіпті нығайтуда Әділет министрлігі мен Бас прокуратураның одан әрі ынтымақтастығы қажеттігін атап өтті.

• 02.02.2024
• 288