Әділет министрлігінде Азамат Есқараевтың төрағалығымен Заң жобалау қызметі жөніндегі ведомствоаралық комиссияның онлайн отырысы өтті

Әділет министрі Азамат Есқараевтың төрағалығымен өткен кеңеске ҚР Парламентінің депутаттары, мемлекеттік органдар мен үкіметтік емес сектордың өкілдері онлайн қатысты.

Ведомствоаралық комиссия отырысында мына мәселелер қаралды:

1. Қазақстан Республикасы Парламентінің депутаттары бастамашылық еткен «Қазақстан Республикасының кейбір заңнамалық актілеріне тұқым шаруашылығын қолдау мәселелері бойынша өзгерістер мен толықтырулар енгізу туралы» Заң жобасына Үкімет қорытындысының жобасын қарастыру

2. Қазақстан Республикасы Парламентінің депутаттары бастамашылық еткен «Азық-түліктік қауіпсіздік туралы», «Агроөнеркәсіптік кешенді және ауылдық аумақтарды дамытуды мемлекеттік реттеу туралы» Қазақстан Республикасының Заңына өзгерістер мен толықтыру енгізу туралы» және «Қазақстан Республикасының Әкімшілік құқық бұзушылық туралы кодексіне өзгерістер мен толықтырулар енгізу туралы» заң жобаларына Үкімет қорытындысының жобасын қарастыру

3. Қазақстан Республикасы Парламентінің депутаттары бастамашылық еткен «Жер қойнауы және жер қойнауын пайдалану туралы» Қазақстан Республикасы Кодексіне жер қойнауын пайдалану саласын жетілдіру мәселелері бойынша өзгерістер мен толықтырулар енгізу туралы» Заң жобасына Үкімет қорытындысының жобасын қарастыру

4. «Қазақстан Республикасының кейбір заңнамалық актілеріне астананы және республикалық маңызы бар қалаларды дамыту мәселелері бойынша өзгерістер мен толықтырулар енгізу туралы» Заң жобасына реттеушілік саясаттың консультативтік құжатын қарастыру

5. «Қазақстан Республикасының кейбір заңнамалық актілеріне Түркістан қаласына ерекше мәртебе беру мәселелері бойынша өзгерістер мен толықтырулар енгізу туралы» Заң жобасына реттеушілік саясаттың консультативтік құжатын қарастыру Комиссия отырысының қорытындысы бойынша Азамат Есқараев заң жобаларын әзірлеуге қатысты мәселелерді талқылауға белсенді қатысқандары үшін комиссия мүшелеріне алғысын білдірді. Сонымен қатар тиімді заң шығару қызметін қамтамасыз ету үшін, алдағы уақытта осы бағытта белсенді жұмыс жалғастыру қажеттілігін атап өтті.

Ведомствоаралық комиссия заңнамалық актілердің жобаларын талқылау бойынша тиімді жұмыстарды атқара отырып, елдің дамуы мен азаматтардың құқықтарын қамтамасыз етуде қызметтерін жалғастыратын болады.

• 09.02.2024
• 218