Жаңа Заң - жылжымайтын мүлікті бұзу туралы құжатты алу мүмкіндігі туындады

2021 жылғы 26 қаңтарда Мемлекет басшысы «Қазақстан Республикасының кейбір заңнамалық актілеріне жылжымайтын мүлікке құқықтарды және заңды тұлғаларды мемлекеттік тіркеу мәселелері бойынша өзгерістер мен толықтырулар енгізу туралы» Заңға қол қойды.

Заңмен жергілікті атқарушы органдарының жылжымайтын мүлік объектісінің бұзылғанын растайтын құжатты беруді белгілейтін нормалар қабылданды.

Бұрын бұл функция заңды түрде реттелмеген, сондықтан меншік иелері бұзу туралы құжатты ала алмады.

Енді заңнамада меншік иелерінің осы құжатты алу үшін жергілікті атқарушы органдарына жүгіну тәртібі белгіленген, бұл бұзылған жылжымайтын мүлік объектісіне құқығын тоқтату үшін тіркеуші органға жүгінуге мүмкіндік береді.

Аталған нормалар  алғашқы ресми жарияланғанынан кейiн күнтiзбелiк он күн өткен соң қолданысқа енгiзiлетінін атап өтеміз.

• 10.02.2021
• 343