Көктемгі су тасқыны кезеңіне дайындық пен Конго-Қырым геморрагиялық қызбасының алдын алу шаралары пысықталды

Кеше төтенше жағдайлардың алдын алу және оларды жою жөніндегі облыстық комиссия отырысы өтті. Кезекті отырыста көктемгі су тасқыны кезеңіне дайындық пен Конго-Қырым геморрагиялық қызбасының алдын алу шаралары туралы мәселелер қаралды.

Бүгінгі күні Шардара су қоймасынан Сырдария өзеніне түсіп жатқан су көлемі секундына 550 текше метрді құраса, оның 250 текше метрін Көксарай су реттегіші алуда. Облыс аумағына секундына 280 текше метр су келуде. Өзен арнасында соңғы 7 жылда болмаған жағдай орын алып, мұз Жаңақорған ауданы аумағына дейін ұстасты. Мұздың қалыңдығы солтүстік аудандарда 35-62 см, оңтүстік аудандарда 18-35 см құрап отыр. Соңғы мониторинг жұмыстарды жүргізу барысында жалпы ұзындығы 3 шақырымды құрайтын шұғыл қалпына келтіруді қажет ететін 3 нысан анықталған.

Қауіпті учаскелерге бекітілген жауапты мекемелердегі арнайы техникалардың дайындық жағдайында болуын қамтамасыз етіп, Сырдария өзенінің бойындағы әрбір қауіпті учаскелерге бекітілген арнайы техникалары бар жауапты мекемелердің дария бойы кезекшілігін ұйымдастыруды тапсырдым.

Өзен арнасындағы сең кептелісі кезінде қажет болған жағдайда қауіпсіздік шараларын сақтай отырып, мұз жару жұмыстарын жүргізгізуді қолға алатын боламыз.

Жыл сайын облыс көлемінде Конго-Қырым геморрагиялық қызбасының 1 жағдайдан 7-8 жағдайға дейін спорадикалық аурушаңдық тіркеледі. Өткен жылы облыс бойынша 12 ықтимал жағдай тіркеліп, оның 9 жағдайы зертханалық жолмен нақтыланды.

Елді мекендердегі механикалық тазалау жұмыстарын қатаң бақылауға алу қажет.

• 11.02.2021
• 279