Астанада Шанхай ынтымақтастық ұйымына мүше мемлекеттер Әділет министрлерінің кеңесі дайындығына байланысты алғашқы сараптамалық отырысы өтті

Осы жылдың 20-21 ақпанында Шанхай ынтымақтастық ұйымына мүше мемлекеттер Әділет министрлерінің он бірінші кеңесін (ШЫҰ Әділет министрлері кеңесіне) дайындау бойынша алғашқы сараптамалық отырыс өтті.

Аталған шараға ШЫҰ-на мүше мемлекеттердің (Иран Ислам Республикасы, Қырғызстан, Қытай, Өзбекстан, Пәкістан, Ресей, Тәжікстан, Үндістан) өкілдері қатысты.

Достық қарым-қатынаста өткен отырыс барысында сарапшылар ШЫҰ-ның 2024 жылғы маусымға жоспарланған Әділет министрлері кеңесіне дайындалу жөніндегі негізгі мәселелерді талқылады. Сот-сараптама және заң қызметтері бойынша сарапшылардың жұмыс топтарының қызметін жалғастыру, Шанхай ынтымақтастық ұйымына мүше мемлекеттердің Әділет министрліктері арасындағы цифрландыру саласындағы меморандум жобасына қол қою мәселелері қаралды.

Сараптама отырысының қорытындысы бойынша қатысушылар отырыстың хаттамасына қол қойды. 2023 жылғы 5 шілдеден 2024 жылғы маусымға дейін Қазақстан Республикасы Шанхай ынтымақтастық ұйымына төрағалық етеді.

• 05.09.2024
• 40