Қазақстан Республикасы Үкіметі жанындағы Мемлекеттік тіл саясатын іске асыру жөніндегі комиссиясының отырысы өтті

А.ж. 27 сәуір айында Премьер-Министрдің орынбасары Т. Дүйсенованың төрағалығымен және Парламент Мәжілісі депутаттарының қатысуымен ҚР Үкіметі жанындағы Мемлекеттік тіл саясатын іске асыру жөніндегі комиссиясының отырысы өтті.
Комиссия отырысында Әділет министрі Азамат Есқараев «Мемлекеттік тілде заң әзірлеу мәселесі» тақырыбында баяндама жасады.
Министр өз сөзінде мемлекеттік тілде заң әзірлеу барысында анықталған негізгі мәселелерге және оларды шешу жолдарына қатысты сөз қозғады.
Сонымен қатар Азамат Есқараев нормашығармашылықты жетілдіру мәселелері бойынша заң жобасының шеңберінде қабылданып жатқан өзгерістерге тоқталып өтті.
Аталған жұмыстар Парламент Мәжілісінің депутаттарымен, мүдделі мемлекеттік органдармен, ұйымдармен және мемлекеттік тіл мәселесін көтеріп жүрген белсендң азаматтармен бірлесе отырып атқарылатын болады.

• 05.09.2024
• 91