ҚР Әділет министрі Азамат Есқараев АҚШ-тың Қазақстандағы елшісі Дэниел Натан Розенблюммен кездесті

Кездесу барысында тараптар әділет және құқықтық тәртіп саласындағы екіжақты ынтымақтастыққа қатысты мәселелерді талқылады. Азамат Есқараев пен Дэниел Натан Розенблюм екі ел арасындағы тығыз ынтымақтастықты нығайту үшін құқықтық базаны күшейтудің маңыздылығын атап өтті.

Әділет министрі Сот төрелігі мен адам құқықтарын қорғау бағытындағы тәжірибе алмасудың маңыздылығын атап өтті. Сондай-ақ Америка Құрама Штаттарының Қазақстанның құқықтық жүйесін дамытуға көрсеткен қолдауы үшін алғысын білдірді.

Өз кезегінде АҚШ елшісі екі ел арасындағы ынтымақтастықтың жоғары деңгейін атап өтіп, заңның үстемдігін нығайтуға және азаматтардың құқықтарын қорғауға бағытталған бірлескен жобалармен жұмысты жалғастыруға дайын екенін білдірді.

Тараптар алдағы уақытта әділет және құқықтық тәртіп саласындағы ортақ мақсаттарға қол жеткізу үшін ынтымақтастықты жалғастыру туралы уағдаласты.

• 05.09.2024
• 52