ҚР Әділет министрі Азамат Есқараев «AMANAT» партиясының Республикалық қоғамдық қабылдауында азаматтарды қабылдады

А.ж. 8 тамызында Азамат Есқараев «AMANAT»партиясының Республикалық қоғамдық қабылдауында азаматтарды қабылдады. Қабылдау барысында бірнеше өтініш, оның ішінде қарыз, кепіл және сатып алу-сату шарттарын куәландыру кезінде жеке нотариустың алаяқтық әрекеттері фактілеріне байланысты өтініштер қаралды.

Өтініш білдірген азаматтар заңнаманың ықтимал бұзылуына алаңдаушылық білдіріп, Әділет министрінен орын алған жағдай бойынша түсініктеме беруін сұрады. Азамат Есқараев өтініштерге жауап ретінде мұндай жағдайлар құқық қорғау органдары тарапынан мұқият тергеуді талап ететінін атап өтті. Ол Әділет министрлігі өз өкілеттіктері шеңберінде қажетті қолдау көрсетуге дайын екенін, бірақ кінәлілерді тергеу мен жауапқа тартудың негізгі жұмысы құқық қорғау органдарында екенін атап өтті.

Министр өтініш бақылауға алынатынына және азаматтарға қажетті консультациялық көмек көрсетілетініне сендірді.

• 05.09.2024
• 58