ХАЛЫҚ АЛДЫНДА ЕСЕП БЕРДІМ

Бүгін коронавирус пандемиясына байланысты онлайн форматта халық алдында есеп бердім. Өткен жылды қорытындылап, 2021 жылға арналған жоспарлар туралы айттым.

Мемлекет басшысының 2020 жылғы 1 қыркүйектегі «Жаңа жағдайдағы Қазақстан: іс-қимыл кезеңі» атты Қазақстан халқына арнаған Жолдауында айқындалған дамудың негізгі стратегиялық мақсаттарын аймақта іске асыру жұмыстары жалғастырылуда.

Пандемия қалыпты тіршілікке айтарлықтай әсер етіп, экономиканың даму үдерісіне әсер етті. Бүгінгі күні Қызылорда облысы «жасыл аймаққа» тұрақтап, эпидемиологиялық күрделі жағдайды алдын алуға дайын.

Өткен жылы Қызылорда қаласынан заманауи үлгідегі 200 орындық модульді жұқпалы аурухана құрылысы жүргізіліп, толықтай аяқталды. Сәуір айында пайдалануға беріледі деп жоспарлануда. Бұған қосымша 3200 төсек-орын мен 3500 медицина қызметкерінен тұратын кадрлық резерв жасақталды. Екі айға жететін дәрі-дәрмектің тұрақтандыру қоры қалыптастырылып, оған жергілікті бюджеттен 488 млн. теңге қаржы бөлінді.

2023 жылға дейінгі өңірдің экономикалық даму Жоспары қабылданып, бизнес өкілдеріне өңірді өз өндіріс өнімдерімен қамтамасыз ететін 271 млрд. теңгенің 265 жобасы ұсынылды. Бүгінде 7,1 млрд. теңгенің 89 жобасы жүзеге асырылып, 1047 жұмыс орны құрылды.

Бағаны тұрақтандыру мақсатында қажетті азық-түлік өнімдеріне облыстық бюджеттен 1234,4 млн. теңге бөлініп, өңірлік тұрақтандыру қорына 4 мың тоннадан астам әлеуметтік-маңызы бар азық түлік тауарлары сатып алынды.

Мемлекет басшысының бастамасымен 2020-2021 жылдарға арналған Жұмыспен қамту Жол картасы басталып, ол халықты жұмыспен қамтып, тұрақты табыс көзімен қамтамасыз етті. 2020 жылдың қорытындысымен құны 40 млрд. теңгеден асатын 261 жоба жүзеге асырылды. 

Мемлекет басшысының тапсырмасымен өңірдің дамуына қосымша 15,6 млрд. теңге бөлінді.

Облыс экономикасындағы кейбір көрсеткіштердің төмендеуіне қарамастан Үкіметпен жасалған Меморандум бойынша өңірге инвестиция тарту 230 млрд. теңге болып белгіленсе, көрсеткіш  27 пайызға артығымен орындалып, 292 млрд. теңгеге жетті. Ал, тұрғын үй салу жоспары 591 мың шаршы метр болса, бұл көрсеткішті де 609 мың шаршы метр  өсіммен орындалды.

Бұл атқарылған жұмыстар мен жоспарлардың бір бөлігі. Толық нұсқасы облыстық басылымдарда жарияланды.

• 17.02.2021
• 298