Әділет министрі Азамат Есқараев Дүниежүзілік банктің өңірлік директоры Асад Аламмен кездесті

ҚР Әділет министрі Азамат Есқараев Дүниежүзілік банктің Еуропа және Орталық Азия, әділ өсу, қаржы және институттар бойынша өңірлік директоры Асад Аламмен ресми кездесу өткізді. Кездесу барысында азаматтардың құқықтарын қорғау саласындағы 2025-2026 жылдарға арналған негізгі реформалар талқыланды.
Министр азаматтардың құқықтарын қорғау тетігін күшейтуге, Парламенттің рөлі мен мәртебесін арттыруға, сондай-ақ бірқатар конституциялық өкілеттіктерді қайта бөлуге бағытталған жобаларға кеңінен тоқталды.
Министрдің айтуынша, мұндай қадамдар Қазақстандағы демократияның дамуына ықпал ететін мемлекеттік басқарудың неғұрлым әділ және ашық жүйесін құруға бағытталған.

Дүниежүзілік банктің өңірлік директоры Асад Алам Қазақстанның заң үстемдігін нығайту және цифрлық шешімдерді енгізу жөніндегі бастамаларын жоғары бағалап, бұл реформалардың елдегі әділ және тұрақты өсімге қол жеткізуде маңызды рөл атқаратынын атап өтті.
Тараптар цифрландыру және құқықтық жүйені нығайту саласындағы жобаларды одан әрі дамыту бойынша ынтымақтастықты жалғастыруға келісті.

• 11.11.2024
• 66