Сәрсембаев Е.Ж.
ҚР Әдiлет министрi
АСТАНАДА АЛҒАШ РЕТ ЭЛЕКТРОНДЫҚ АПОСТИЛЬ БОЙЫНША ХАЛЫҚАРАЛЫҚ ФОРУМ ӨТТІ
Астанада ҚР Әділет министрлігі мен Maqsut Narikbayev University ұйымдастыруымен, Халықаралық жеке құқық жөніндегі Гаага конференциясының Бас хатшысы Кристоф Бернасконидің қолдауымен, электронды апостиль бағдарламасы бойынша 13-ші Халықаралық форум өтті. Бұл іс-шара ерекше маңызға ие және осындай ауқымды форматтағы форум алғаш рет Орталық Азия елінде өткізіліп отыр.
Форумға 16 елдің сарапшылары мен практиктері, сондай-ақ мемлекеттік органдардың өкілдері қатысты. Қатысушылар «Е-Апостиль» бағдарламасын енгізу мен пайдаланудың өзекті мәселелерін талқылап, тәжірибелерімен бөлісті. Сондай-ақ бұл жүйені одан әрі жетілдіру үшін бірлескен ұсыныстар әзірленді.
«Бұл 2019 жылдан бері, Бразилияның Форталезасында өткен 11-ші e-APP форумынан кейінгі алғашқы ашық форматтағы кездесу. Сондықтан толық форматқа оралу және 300-ден астам қатысушының, соның ішінде 70 келіссөз жүргізуші тараптары мен Конвенцияға мүше емес үш мемлекеттің өкілдерін көру ерекше қуантады»,- деп атап өтті Гаага конференциясының Бас хатшысы Кристоф Бернаскони.
ҚР Әділет министрі Азамат Есқараев: «Электрондық апостиль — халықаралық құжат айналымын жеңілдету, ашықтық пен қауіпсіздікті арттыру жолындағы маңызды қадам» деп форумның маңыздылығын атап өтті.
Қазақстанда аталмыш форумды өткізу – елдің апостилизация процестерін цифрландыру саласындағы көшбасшылық орнын атап көрсетеді. Мұндай форумдар бұған дейін Америкада, Еуропада және Азияда өтті және Қазақстан халықаралық деңгейде апостилизацияның цифрландыру мәселелерін талқылайтын негізгі орталыққа айналды.
Форумның бірінші күнінің қорытындысы бойынша мынадай ұсынымдар әзірленді:
- «Е-Апостиль» жүйесінің мемлекеттік реестрлермен интеграциясы;
- электронды қолтаңбаларды және мөрлерді верификациялау механизмдерін жетілдіру;
- азаматтардың электронды апостильдің артықшылықтары туралы хабардарлығын арттыру.
Қабылданған келісімдер бүкіл әлем бойынша құжаттарды цифрлық апостилдеу саласында озық тәжірибелердің одан әрі дамуына және таралуына ықпал ететін болады.
- 11.11.2024
- 72
