ҚР Әділет министрі Азамат Есқараев Францияның Қазақстандағы елшісі Гиоге Сильванмен кездесті

ҚР Әділет министрлігінде Әділет министрі Азамат Есқараев пен Францияның Қазақстандағы Төтенше және Өкілетті Елшісі Гиоге Сильванның кездесуі өтті.

Азамат Есқараев Сильван мырзаны жақында Францияның Қазақстандағы Елшісі қызметіне тағайындалуымен құттықтап, оның негізгі дипломатиялық міндеттерді шешудегі кәсіби тәжірибесін атап өтті. Министр Қазақстан мен Франция арасындағы заң үстемдігі мен әділеттілік қағидаттарына негізделген әріптестік қарым-қатынастардың одан әрі нығая түсетініне сенім білдірді.

Әділет министрі Сильван мырзаға сапары үшін алғыс білдіріп, екіжақты қарым-қатынастарды дамытуға ықпал ететін нәтижелі диалогтың жалғасын табатынын айтып өтті.

Кездесу қорытындысы бойынша тараптар осы бағытта әрі қарай өзара іс-қимыл жасауға және құқықтық саладағы ынтымақтастықты нығайтуға дайын екендіктерін білдірді.

• 24.01.2025
• 43