Жылдам әрі ыңғайлы: Республиканың барлық шалғайдағы ауылдық елді мекендерінде «Құқық кабинеттері» ашылды

Мемлекет басшысының ауылдық елді мекендер тұрғындарының құқықтық сауаттылығын арттыру жөніндегі тапсырмасын іске асыру мақсатында әділет органдары облыс әкімдіктермен бірлесіп республиканың барлық шалғайдағы ауылдық елді мекендерінде 2 000-ға жуық «Құқық кабинетін» ашты.

«Құқық кабинеті» - әрбір азамат қажетті құқықтық ақпаратты (тегін заң көмегін) ала алатын орын.

Кабинеттер аудандық, ауылдық әкімдіктердің ғимараттарында, ауылдық клубтарда, демалыс орталықтарында және т. б. EGOV өзіне-өзі қызмет көрсету бұрыштарының базасында жұмыс істейді. Жұмыс кестесі сағат 9.00-ден 18.30-ға дейін (мекен-жайлар бойынша толық ақпарат алу үшін тиісті аумақтық әділет органдарына хабарласу қажет).

Кабинеттер қолданыстағы нормативтік құқықтық актілермен танысу үшін «Әділет» ақпаратттық құқықтық жүйесіне, «Заң» деректер базасына, сондай-ақ халықпен өзара іс-қимыл жөніндегі мемлекеттік органдардың ақпараттық жүйелеріне (е-otinish, egov, «Ашық НҚА» порталы және т.б.) қолжетімділігі бар компьютерлермен (принтер, телефон, веб-камера) жабдықталған.

Бұл шалғайдағы ауылдық округтерде заңнаманы өз бетінше зерделеуге мүмкіндік бере отырып, халыққа құқықтық көмек көрсетуді және құқықтық ақпаратқа қол жеткізуді қамтамасыз етеді.

Ақпараттық жүйелерді пайдалану бойынша сұрақтар туындаған жағдайда көрсетілетін қызметті алушы аумақтық әділет органының құқық түсіндіру бөлімінің қызметкеріне не 1414 байланыс орталығына қоңырау шала алады, қажет болған жағдайда заң консультанттары палаталарының өкілдері, адвокаттар алқасының өкілдері тартылады.

• 04.02.2025
• 56