Бүгін Министрліктің кеңейтілген алқа мәжілісін жаңа форматта өткіздік.

Бүгін Министрліктің кеңейтілген алқа мәжілісін жаңа форматта өткіздік.

Күн тәртібін нарықтағы біздің серіктестерімізді тыңдай алатындай етіп жасадық. Министрліктің әрбір бағыты бойынша салалық сарапшылар «кері байланыспен» бөлісе алады. Бұл «Халық үніне құлақ асатын мемлекет» элементтерінің бірі болып табылады. Біз «өзара» талқыламай, сарапшылар қауымдастығының, нарықтың және жұртшылықтың өкілдерін проблемалық мәселелерді талқылауға шақырдық.

Егер сіз онлайн түрде көре алмасаңыз, https://youtu.be/f0gPscbKPhU сілтемесінен қараңыз.

Министрліктің 2020 жылғы қызметінің нәтижелерін түсіндіруге және баяндауға тырыстым.

Каспи арқылы көлікті сату кейсіне егжей-тегжейлі тоқталдым. Бұрын бұл үдеріс кем дегенде 2-3 сағатты алатын еді. Көлікті сату немесе сатып алу кезінде адамдар көбінесе «қолдау тобымен» келеді. Сондықтан адамдардың саны өте көп. Қазір шамамен 10% онлайн форматқа өтті. Жыл соңына дейін 50%-ға өтеді деп жоспарлаудамыз. Тек бұл мамандандырылған ХҚКО-ға түсетін жүктемені азайтады.

Осы қағидат бойынша 600 қызметтің ең танымал 50 қызметінің бизнес-үдерістерін өзгертетін боламыз. Бұдан әрі, қалған қызметтерін реттейміз.

Сондай-ақ, Министрліктің 2021 жылға арналған жоспарлары туралы айтып бердім. 2021 жылы операторлар шамамен 750 (752) базалық станция салады, оған қоса тағы 550 (562) станцияны жаңартады.

Ауқымды жұмыстар байланыс сапасын арттыруға бағытталған. Байланыс сапасы бойынша жаңа талаптар пысықталды. 3G/4G үшін ең төменгі сапа шектері айқындалды.

Мен күн сайын жүздеген хаттар мен түсініктемелер аламын. Көбінесе, цифрлық құжаттар қағаз құжаттарымен қашан тең болады? - деген сауалдар. Қазірдің өзінде жүргізуші куәлігі мен техникалық төлқұжатты өзіңізбен бірге алмауға болады. Кез-келген өмірлік жағдайда цифрлық құжаттарды қолдану бойынша сұрақ туғызбауы үшін бюрократиялық сәттер бар. Заң бар, Премьер-Министрдің хаттамалық тапсырмасы бар, мемлекеттік органдармен «жағдайды жақсартамыз». Әлбетте, уақыт керек.

Біздің негізгі міндетіміз - азаматтардың өмірін жеңілдету.

• 02.03.2021
• 235