Адвокатура

«Адвокаттық қызмет және заң көмегі туралы» Заңын іске асыру мақсатында «Ұлттық ақпараттық технологиялар» АҚ және Заң консультанттары палаталарының қауымдастығымен «Е-Заң көмегі» Заң көмегінің бірыңғай ақпараттық жүйесі» қызмет көрсету келісім-шартына қол қойылды. 
Келісім-шарт шеңберінде «Е-Заң көмегі» АЖ Қазақстан Республикасының Жоғарғы соты, Бас прокуратурасы, әділет, ішкі істер, білім және ғылым, денсаулық сақтау министрліктерінің, «Бірыңғай жинақтаушы зейнетақы қоры» АҚ-ның, «Бағалы қағаздардың бірыңғай тіркеушісі» АҚ-ның ақпараттық жүйелерімен ықпалдастыру бойынша жұмыстар жүзеге асырылатын болады. 
Айта кету керек, қазіргі таңда заң консультанттары мен адвокаттарға жеке кабинет ашылып, бірыңғай сайт жасалынған.
Осыған орай, «Е-Заң көмегі» АЖ заң консультанттары мен адвокаттардың қызметін автоматтандыруға және оңтайландыруға, халыққа заң көмегін көрсету кезінде мемлекеттік органдардың ақпараттық жүйелерінен ақпаратты жедел алуға, оны онлайн режимінде көрсетуге, қағаз құжат айналымын азайтуға, мемлекеттік органдардың ақпараттық жүйелерінен мәлімет алу кезінде уақытты үнемдеуге және қаржылай шығындарды азайтуға және т.б. мүмкіндік береді. 
Естеріңізге сала кетсек, бұдан бұрын Әділет министрлігі, «Заң кеңесшілері палатасы» РҚБ және ҰАТ АҚ арасында жасалған Меморандум шеңберінде Астана, Алматы, Қостанай, Қарағанды, Ақтау, Шымкент, Қызылорда, Павлодар, Көкшетау және т.б. қалаларының заңгерлері мен адвокаттарына жүйені қалай қолдану керектігі туралы түсіндіру жұмыстары жүргізілген еді. 

• 03.12.2019
• 521