зияткерлік меншік құқығын сақтаймыз

Интернет желісінде авторлық және сабақтас құқықтарды қорғаудың проблемалары мен перспективалары

2019 ж. 16-17 қазан аралығында Нұр-Сұлтан қаласында «Интернет желісінде авторлық және сабақтас құқықтарды қорғаудың проблемалары мен перспективалары» тақырыбында екі күндік субөңірлік семинар өтті.

Семинардың мақсаты – Интернет желісінде авторлық және сабақтас құқықтарды қорғау мәселелерін талқылау, сондай-ақ осы саладағы басқа елдердің тәжірибесімен танысу.

Шараға мемлекеттік органдардың, ұжымдық негізде мүліктік құқықтарды басқаратын ұйымдардың, Дүниежүзілік зияткерлік меншік ұйымының зияткерлік меншік саласындағы Ұлыбритания, Германия, Франция, АҚШ, Ресей, Беларусь, Әзірбайжан, Өзбекстан, Тәжікстан мемлекеттерінен келген халықаралық сарапшылар қатысты.

Іс-шараның салтанатты ашылуына қатысқан вице-министр Ақерке Ахметова өз сөзінде субөңірлік семинардың маңыздылығын атап өтті.

«Дүниежүзілік зияткерлік меншік ұйымының көмегімен ұйымдастырылған бүгінгі пікір алмасу алаңы авторлық құқықтарды қорғау бойынша туындаған мәселелерді шешу жолдарын табуға, заңнаманы одан әрі жетілдіруге қатысты ұсыныстар әзірлеуге көмектеседі деп ойламын»,  - деді ол.

Екі күндік семинар барысында шетелдік және қазақстандық спикерлер интернет-қарақшылықтың мәні, авторлық құқықтарды қорғау саласындағы қазіргі Заманғы құқықтану, интернет-делдалдардың жауапкершілігі және т.б. тақырыптары аясында пікір алмасты.

Семинар Әділет министрлігі және Дүниежүзілік зияткерлік меншік ұйымымен (ДЗМҰ) бірлесіп ұйымдастырылды.

• 03.12.2019
• 519