Мәжіліс «Еуразиялық экономикалық одақтың тауарлық белгілері, қызмет көрсету белгілері және тауарлардың шыққан жерлерінің атаулары туралы шартты ратификациялау туралы» Заң жобасын ұсынды

3 наурызда Мәжілістің кезекті отырысында «Еуразиялық экономикалық одақтың тауарлық белгілері, қызмет көрсету белгілері және тауарлардың шыққан жерлерінің атаулары туралы шартты ратификациялау туралы» Заң жобасы таныстырылды. Талқылаудан кейін заң жобасы мақұлданды.
Шарттың мақсаты – тауар таңбаларын және тауар шығарылған жерлердің атауларын тіркеу мен қорғаудың өңірлік жүйесін құру.
Осы Шарттың арқасында отандық тауар өндірушілердің тауар белгілері ЕЭАО-ға мүше бес мемлекеттің (Қазақстан, Ресей, Беларусь, Қырғызстан, Армения) аумағында әрекет ете алады және қорғалады. Тауар шығарылған жерлердің атауларын тіркеу рәсімі де оңайлатылатын болады.
Қазіргі уақытта Қазақстан Тауар белгілерін тіркеудің халықаралық Мадрид жүйесінің қатысушысы болып табылады. Шартты ратификациялау нәтижесінде Қазақстанда құқықтық қорғауды алудың: ұлттық, өңірлік және халықаралық болып барлық үш тетігі қолданылады.

• 05.03.2021
• 282