Әділет министрі Ерлан Сәрсембаев Францияның шетелдік сауда және шетелдегі француз азаматтары істері жөніндегі уәкілетті министрі Лоран Сен-Мартенмен кездесті

«Астана» халықаралық форумына қатысуға келген Лоран Сен-Мартен Қазақстан мен Франция арасындағы құқықтық саладағы екіжақты ынтымақтастықтың өзекті бағыттарын, сондай-ақ адам құқықтарын ілгерілету және заңның үстемдігін нығайту жөніндегі бірлескен күш-жігерді талқылады.

Өз кезегінде Ерлан Сәрсембаев француз тарапына Қазақстанда саяси жаңғырту аясында жүзеге асырылып жатқан ауқымды реформалар туралы айтты. Атап айтқанда, адам құқықтары саласындағы халықаралық тетіктермен өзара іс-қимылға ерекше назар аударылды.  Қазақстан 2025 жылғы 23–25 маусымда Женева қаласында өтетін Азаматтық және саяси құқықтар туралы халықаралық пакт ережелерінің орындалуы жөніндегі мерзімдік баяндаманы қорғауға дайындалуда.

Лоран Сен-Мартен Қазақстанның заң үстемдігін нығайту және халықаралық адам құқықтары стандарттарына адалдығы саласындағы прогресін жоғары бағалап, ынтымақтастықты одан әрі дамытуға мүдделілігін білдірді.

Кездесу конструктивті әрі сенімді диалог жағдайында Қазақстан мен Франция арасындағы өзара іс-қимылдың жоғары деңгейін, сондай-ақ әділет, адам құқықтары мен заңның үстемдігі құндылықтарын ерекше атап өтті.

• 13.06.2025
• 26