Адвокатура

Заң қызметін цифрландыру

Әділет министрлігінің бастамасы бойынша «Адвокаттық қызмет және заң көмегі туралы» Заңын іске асыру мақсатында «Ұлттық ақпараттық технологиялар» АҚ (бұдан әрі – «ҰАТ» АҚ) «Е-Заң көмегі» Заң көмегінің бірыңғай ақпараттық жүйесін»  (бұдан әрі – «Е-Заң көмегі») әзірледі.

«ҰАТ» АҚ-мы «Е-Заң көмегі» инвестициялық жобасын өз қаражаты есебінен жүзеге асырады.

«Е-Заң көмегі» халықты онлайн режимде білікті заң көмегімен қамтамасыз етуге, адвокаттар мен заң консультанттарын сот процесі шеңберінде жеке және заңды тұлғалар туралы деректерді тексерудің қазіргі заманғы құралдарымен және Қазақстан Республикасының мемлекеттік және мемлекеттік емес органдарының ақпараттық өзара іс-қимылмен қамтамасыз етуге, сондай-ақ дәлелдемелерді жинау бойынша жұмыс процесін жеделдетуге бағытталған. 

«Е-Заң көмегі» жүйесін мемлекеттік органдардың жүйелерімен ықпалдастыру шеңберінде адвокаттар мен заң консультанттардың қызметін жүзеге асыру үшін мәліметтерді сұрату бойынша ақпараттық өзара іс-қимыл көзделген.

Аталған жүйеге қолжетімділік соттар мен құқық қорғау органдарына берілетін болады, бұл адвокаттар мен заң консультанттардың мәртебесі мен өкілеттіктерін онлайн режимде уақытылы тексеруге мүмкіндік береді.

Адвокаттың мәртебесі мен өкілеттіктері «E-лицензиялау» АҚ және «Е-Заң көмегі» жүйесінің ақпараттық өзара әрекеттесуі арқылы адвокаттың қызметі (күші бар/тоқтатыла тұрған/тоқтатылған), сондай-ақ лицензияның нөмірі мен берілген күні бойынша тексерілетін болады.

Бұдан басқа, «Е-Заң көмегі» мемлекет кепілдік берген заң көмегіне ақы төлеуді жеңілдету үшін қолданылады. Осы жүйеге қосылған адвокаттардың өз қызметтері үшін мемлекеттік бюджеттен жүйе арқылы төлемдерді жеңілдетілген түрде алуға мүмкіндіктері болады.

• 04.12.2019
• 477