Адвокатура

Адвокаттар мен заң консультанттарының кәсіби жауапкершілігін міндетті сақтандыруды енгізу туралы

«Адвокаттық қызмет және заң көмегі туралы» 2018 жылғы 5 шілдедегі Қазақстан Республикасының Заңына (бұдан әрі – Заң) сәйкес 2020 жылдың 1 қаңтарынан бастап, азаматтарға сапасыз заң көмегі көрсетілген жағдайда сақтандыру өтеміне сенім артуға мүмкіндік беретін адвокаттар мен заң консультанттарының кәсіби жауапкершілігін міндетті сақтандыру енгізіледі. Заң көмегін ұсыну шарттарының бірі адвокаттар мен заң консультанттарының кәсіби жауапкершілігін сақтандыру шартын (өзгермелі сақтандыру) жасасуы болып табылады.    Сақтандыру төлемі клиенттерге адвокат немесе заң консультанты абайсызда мынадай кәсіби қателер жасаған жағдайда жүргізіледі:                                                                                  1) процессуалдық мерзімдерді өткізу;                                                                                                   

2) құжаттарды дұрыс ресімдемеу;                                                                                                          

3) клиентке зиян келтіруге әкеп соққан, жасалатын заң әрекеттерінің салдары туралы хабарламау;                                                                                                                                               

4) клиенттің құжаттарын жоғалту немесе бүлдіру;                                                                             

5) мәліметтерді заңсыз жария ету.                                                                                                                     

Сақтандыру шарты бойынша сақтандыру сомасының мөлшері Республикалық маңызы бар қалалардың, астананың аумағында қызметін жүзеге асыратын адвокаттар мен заң консультанттары үшін – мың еселенген (2 525 000 тг) көрсеткіштен кем емес, өзге адвокаттар мен заң консультанттары үшін – айлық есептік көрсеткіштің бес жүз еселенген мөлшерінен кем емес (1 262 500 тг) көрсеткішті құрауы тиіс. Сонымен қатар, 2018 жылғы 27 қыркүйекте Заңды іске асыру барысында Әділет министрінің бұйрығымен адвокаттар мен заң консультанттарының кәсіби жауапкершілігін сақтандырудың үлгілік шарттары бекітілді, онымен Қазақстан Республикасы нормативтік құқықтық актілерінің «Әділет» ақпараттық-құқықтық жүйесінің сайтынан сілтеме бойынша таныса аласыз: http://adilet.zan.kz/rus/docs/V1800017514  (адвокаттарға арналған үлгілік шарт), http://adilet.zan.kz/rus/docs/V1800017502  (заң консультанттарына арналған үлгілік шарт).  Адвокаттар мен заң консультанттарының кәсіби жауапкершілігін міндетті сақтандыруды енгізу азаматтарға адвокат немесе заң консультанты құқықтық көмек көрсету туралы шарт бойынша өз міндеттемелерін орындамаған немесе тиісінше орындамаған жағдайда сақтандыру өтемін алуға мүмкіндік береді.

• 06.12.2019
• 713