Бүгін Жерге орналастыру, геодезия және картография қызметкерлерінің күні!

Бүгін Жерге орналастыру, геодезия және картография қызметкерлерінің күні! Осы салада қызмет етушілерді құттықтағым келеді! Сіздердің жұмыстарыңыз туралы БАҚ-та күн сайын жазылмаса да, бірақ біздің еліміздің дамуына қосқан үлестеріңіз орасан зор!

Жерге орналастырушылардың, геодезистердің, картографтардың жұмыс нәтижелерін барлық мемлекеттік билік органдары, коммерциялық ұйымдар мен жеке тұлғалар пайдаланады.

Геодезия және картография саласының заманауи дамуы жоғары дәлдікті жерсеріктік геодезиялық желіні, бірыңғай геоплатформада жинақталған цифрлық кеңістіктік деректерді құруға бағытталған цифрлық технологияларды қолданумен негізделген.

Біздің мамандар жүргізетін жұмыстардың нәтижелері мемлекеттік ауқымда жерді тиімді пайдалануға мүмкіндік туғызады, жер ресурстарын басқарудың тиімділігі мен сапасын арттырады, жер учаскелерін сатудан, жер салығын, жерді пайдаланғаны үшін жалға алу ақысын мемлекеттік бюджетке толық жиналуын қамтамасыз етеді.

Ағымдағы кезеңде, жерге орналастыру және жер кадастры мамандары «Азаматтарға арналған үкімет» мемлекеттік корпорациясының Жер кадастры департаментінің құрамында және 17 өңірлік филиалда еңбек етуде. Ал геодезия және картография саласындағы жалғыз ірі кәсіпорын Қазақстан Республикасының Цифрлық даму, инновациялар және аэроғарыш өнеркәсібі министрлігі Геодезия және картография комитетінің «Ұлттық геодезия және кеңістіктік ақпарат орталығы» РМК болып табылады.

Атқарып отырған маңызды да қиын, қажырлы да нәтижелі еңбектеріңіз және жоғары кәсібиліктеріңіз үшін шынайы алғысымды білдіремін!

• 15.03.2021
• 404