ҚР Әділет министрлігі мен Maqsut Narikbayev University цифрландыру және құқықтық мәдениет саласында ынтымақтастық туралы Меморандумға қол қойды

ҚР Конституциясы күні қарсаңында ҚР Әділет министрлігі мен Maqsut Narikbayev University арасында ынтымақтастық туралы меморандум жасалды. Құжат құқық саласында цифрлық технологияларды енгізуге, құқықтық мәдениетті нығайтуға және азаматтарға қолжетімді құқықтық көмекті дамытуға бағытталған.

Аталған меморандум Мемлекет басшысы Қасым-Жомарт Тоқаевтың Конституцияның 30 жылдығына арналған конференциядағы стратегиялық тапсырмаларына сәйкес келеді. Мемлекет басшысы «Конституция адамның өмірін, құқықтары мен бостандықтарын ең қымбат қазына және оларды жүзеге асыру үшін заңның үстемдігін күшейтіп, цифрландыруды дамыту арқылы жаңа дәуір жағдайында жұмыс істей алатын мамандарды даярлау қажеттігін атап өтті.

Әділет вице-министрі Бекболат Молдабеков «Бұл – стратегиялық қадам. Ол заңгерлік қызметтердің сапасын арттыруға және құқықтық көмекті әрбір азаматқа қолжетімді етуге мүмкіндік береді.

Бұл ынтымақтастық мына негізгі бағыттар бойынша жүзеге асырылады:

 • құқық және білім беру саласына цифрлық технологиялар мен жасанды интеллектіні енгізу;

 • азаматтарға тегін құқықтық көмек көрсететін ұлттық жоба – «Құқықтық клиниканы» дамыту;

 • Конституцияда бекітілген әділдік, ашықтық және жауапкершілік құндылықтарын ұстанатын жаңа буын заңгерлерін даярлау.

Maqsut Narikbayev University ректоры Сергей Пен университет 30 жыл бойы заң саласында құзыреттер орталығы болып келе жатқанын сондай-ақ министрлікпен бірлесіп, алдыңғы қатарлы технологияларды енгізу арқылы әділетті мемлекет пен «Заң және тәртіп» қағидаттарын жүзеге асыратын мамандарды даярлауға қадам жасайтынын айтты.

 Меморандумға қол қою Конституцияның 30 жылдығында маңызды әрі символдық оқиға болды және әділетті, таза, қауіпсіз, қуатты Қазақстанды құру бағытының сабақтастығын дәлелдеді.

• 26.11.2025
• 4